Кіраўнік Расеі павіншаваў 30 жніўня свайго беларускага калегу з нагоды 65-годдзя. Пры гэтым афіцыйна дзень народзінаў Аляксандра Лукашэнкі выпадае на 31 жніўня.
«Чвэрць стагоддзя Вы стаіце на чале Беларусі, нястомна працуючы над умацаваннем міжнароднага аўтарытэту краіны і рашэннем стаяць перад ёй сацыяльна-эканамічных задач», – адзначыў Пуцін у тэлеграме, тэкст якой прыводзіць прэс-служба Крамля.
У віншаванні падкрэсліваецца, што Лукашэнка робіць вялікі ўнёсак у развіццё стасункаў з Расеяй. Пуцін таксама выказаў упэўненасць у неабходнасці нарошчваць расейска-беларускае ўзаемадзеяння.
Таксама кіраўнік РФ павіншаваў Лукашэнку падчас тэлефоннай размовы.
У Адміністрацыі кіраўніка Беларусі паведамілі, што бакі абмеркавалі бягучы парадак дня і развіццё двухбаковых стасункаў, у тым ліку працу над рэалізацыяй папярэдніх дамоўленасцяў, абмяняліся думкамі па міжнародных пытаннях.
Нагадаем, што да 2009 году Аляксандр Лукашэнка святкаваў Дзень народзінаў 30 жніўня, а пасля вырашыў, што яму больш пасуе 31 жніўня – у адзін дзень з малодшым сынам Мікалаем.
МГ belsat.eu
