Дзяржаўны герб Беларусі зробяць больш міралюбным, каб ён пазітыўна ўспрымаўся і ў нашай краіне, і на міжнароднай арэне. Адпаведны законапраект ужо распрацаваны, паведамляе TUT.by.
Міністр юстыцыі Алег Сліжэўскі распавёў, што і раней грамадзяне неаднаразова звярталіся з прапановамі ўнесці змены ў малюнак герба. У выніку адмыслоўцы прыйшлі да высновы, што выява мае патрэбу ва ўдасканаленні.
Гэтак, выявы мацерыкоў стануць больш выразнымі і геаграфічна выверанымі. Малюнак канюшыны і лёну стануць больш аб’ёмнымі, як і стужкі, якія апраўляюць кветкі.
На глобусе стане бачна больш Еўропы і менш Расеі. ?Змена вектара?https://naviny.belsat.eu/news/na-gerbe-belarusi-stane-menej-rasei-i-bolej-europy/
Opublikowany przez Белсат TV Czwartek, 13 lutego 2020
Тэрміны замены старога герба на абноўлены пакуль не вызначаныя, законапраект накіраваны ў парламент.
Да 14 траўня 1995 года ў Беларусі дзяржаўнымі сімваламі былі герб Пагоня і бел-чырвона-белы сцяг. У выніку рэферэндуму герб і сцяг змянілі на падобныя да тых, што былі ў БССР.
СК belsat.eu