Лукашэнка сустрэўся з Шэйманам, якога вінавацяць у датычнасці да забойства апазіцыянераў

Аляксандр Лукашэнка ды Віктар Шэйман. Фота: president.gov.by

Кіраўнік дзяржавы 23 снежня правёў рабочую сустрэчу з кіраўніком справамі прэзідэнта Беларусі Віктарам Шэйманам.

На сустрэчы былі абмеркаваныя вынікі ды перспектывы працы Кіраўніцтва справамі, супраца з афрыканскімі краінамі, кадравыя пытанні, паведамілі ў прэс-службе Аляксандра Лукашэнкі.

Асобна закраналася арганізацыя дабрачыннай акцыі «Нашы дзеці» і правядзенне Венскага балю 28 снежня ў Палацы Незалежнасці.

«За забойства Ганчара атрымалі па 1000 долараў». «DW» паказала споведзь удзельніка «эскадронаў смерці»

Віктар Шэйман падазраецца ў датычнасці да забойства апанентаў беларускіх уладаў у 1999 годзе – былога міністра ўнутраных справаў Юрыя Захаранкі, былога старшыні ЦВК Віктара Ганчара ды бізнесоўца Анатоля Красоўскага. Тады ён займаў пасаду Дзяржаўнага сакратара Савету бяспекі.

У тым, што Шэйман быў датычны да іх забойства, упэўнены і былы баец СОБРу Юрый Гараўскі, інтэрв’ю з якім выйшла на мінулым тыдні і які прызнаўся ў выкраданні палітыкаў.

МГ belsat.eu

Глядзі таксама