Прэзідэнты Расеі і Беларусі Уладзімір Пуцін і Аляксандр Лукашэнка сустрэнуцца ў Маскве ў бліжэйшыя два тыдні. Пра гэта ў 31 жніўня заявіў журналістам прэс-сакратар Уладзіміра Пуціна Дзмітрый Пяскоў.
«Тэрміны ўзгадняюцца, але два прэзідэнты ўчора дамовіліся, што гэта адбудзецца ў бліжэйшыя тыдні. Цягам пары тыдняў дакладна сустрэча адбудзецца», – сказаў прадстаўнік Крамля, адказваючы на пытанне аб тэрмінах візіту Лукашэнкі ў Маскву для перамоваў з Пуціным.
У сваю чаргу кіраўнік МЗС Латвіі Эдгарс Рынкевічс пракаментаваў планаваны візіт Лукашэнкі ў Латвію.
«З прычыны апошніх падзеяў у Беларусі і таго, што Латвія і іншыя краіны Еўрапейскага Звязу не прызнаюць вынікаў выбараў, візіт немагчымы і зняты з парадку дня», – цытуе міністра замежных справаў Латвіі радыё «Свабода».
Інаўгурацыя Аляксандра Лукашэнкі адбудзецца цягам 2 месяцаў пасля прэзідэнцкіх выбараў, паведамлялі ў ЦВК 19 жніўня.
9 жніўня ў Беларусі адбыліся прэзідэнцкія выбары, якія былі не прызнаныя ЕЗ і ЗША. У Маскве заявілі, што прызнаць легітымнасць апошніх выбараў. Ад 9 жніўня ў Беларусі працягвацца масавыя пратэсты на знак нязгоды з афіцыйнымі вынікамі выбараў.