Украінскія вайскоўцы, якія абараняюць пазіцыі на Марыупальскім кірунку, сабралі імправізаваную ялінку з боепрыпасаў. Міны, снарады і гранаты прыляцелі з боку баевікоў.
Вышыня ялінкі складае амаль два метры, паведамляе штаб аперацыі Аб’яднаных сілаў.
«Гэта ўсе боепрыпасы забароненыя Менскімі пагадненнямі. І збіралі іх толькі дваццаць хвілінаў. Але калі б нам паставілі заданне пабудаваць дрэва вышынёй 10 футаў (3,04 метраў, – Заўвага «Белсат»), мы б выдаткавалі б не больш за 4-5 гадзінаў, збіраючы варожыя боепрыпасы», – сказаў старшы афіцэр вайсковай часткі Вячаслаў.
Паводле афіцэра, гэты навагодні падарунак украінскія абаронцы Азоўскай вобласці гатовыя перадаць баевікам любым чынам на прызначаным ім участку лініі фронту.
ОК belsat.eu