20 кастрычніка 2020 года Цэнтральны суд Менску прызнаў экстрэмісцкімі Telegram-канал «NEXTA-Live» і лагатып «NEXTA».
Паводле рашэння суда Telegram-канал «NEXTA-Live» «змяшчае інфармацыйную прадукцыю (відэаролікі, заклікі і публікацыі як ад імя самой рэдакцыі канала, так і падпісчыкаў) з прыкметамі экстрэмісцкай дзейнасці, а менавіта: арганізацыя і публічныя заклікі да ажыццяўлення масавых беспарадкаў». Гаворка вядзецца пра матэрыялы, апублікаваныя ў перыяд з 9 па 11 жніўня 2020 года.
Заяву на прызнанне «NEXTA» экстрэмісцкім падало Галоўнае ўпраўленне па барацьбе з арганізаванай злачыннасць і карупцыяй Міністэрства ўнутраных спраў Рэспублікі Беларусь (ГУБАЗіК МУС).
Зветскі пра прызнанне каналу NEXTA-Live і лагатыпу эктрэмісцкімі пацвердзіла прэс-сакратарка МУС Вольга Чамаданава.
«У прыватнасці, спецыялісты вызначылі, што з 9 па 11 жніўня ў NEXTA-Live была размешчана інфармацыя з прыкметамі экстрэмісцкай дзейнасці (арганізацыя і публічныя заклікі да ажыццяўлення масавых беспарадкаў). У сувязі з гэтым Міністэрству інфармацыі Рэспублікі Беларусь загадана ўключыць указаны Telegram-канал і лагатып (лічбавы вадзяной знак) «NEXTA» у рэспубліканскі спіс экстрэмісцкіх матэрыялаў, прыняць меры па абмежаванні доступу да інфармацыйных рэсурсаў, якія змяшчаюць аналагічныя найменні, і іх распаўсюджвання ў беларускім сегменце», – напісала яна ў сваім Telegram-канале.
Таксама прадстаўніца МУС падкрэсліла, што рэбрэндынг каналу і змена лагатыпу не стане падставай для яго выключэння яго са спісу экстрэмісцкіх матэрыялаў. Цяпер сілавікі будуць актыўна шукаць, хто распаўсюджвае забароненую інфармацыю.
Вярхоўны суд у інтэрв’ю выданню «Подъём» заявіў, што ўсе, хто падпісаны на «NEXTA-Live» цяпер будуць прызнаныя распаўсюднікамі экстрэмісцкіх матэрʼялаў:
«Мы, як прадстаўнікі суда, не можам ацэньваць прававыя наступствы тых ці іншых дзеянняў. Але па агульнай практыцы, распаўсюджваннем зʼяўляюцца актыўныя дзеянні, таму репост, перасылкі адзін аднаму – так, гэта распаўсюд. Калі ёсць у тэлефоне падпіска на канал NEXTA, перасылаеце вы адзін аднаму, то так, вы зʼяўляецеся распаўсюднікам экстрэмісцкіх матэрыялаў. Таму ўважліва стаўцеся да таго, што рэпосціце».
Рэдактары «NEXTA» іранічна адрэагавалі на такое рашэнне суду і абвесцілі конкурс прапановаў «новага неэкстрэмісцкага» лагатыпу:
«Суд Цэнтральнага раёна горада-героя Мінска чамусьці прызнаў наш тэлеграм-канал NEXTA-Live і наш лагатып «экстрэмісцкімі матэрыяламі». Пры гэтым, асноўны навіннай канал NEXTA і сатырычная LUXTA па ранейшаму ў законе.
Што ж, мы б рады перавярнуць гэтую старонку, але паколькі мы працуем строга ў рамках беларускага заканадаўства, будзем цяпер думаць над рэбрэндынгам. Усе прапановы з нагоды новага «неэкстрэмісцкага» лагатыпа і назвы можна кідаць у наш бот».
МД belsat.eu