Дзяніса Урбановіча і Вольгу Нікалайчык затрымалі пасля акцыі ля помніка Тарасу Шаўчэнку

ВІДЭА

Кіраўніка «Маладога фронту» Дзяніса Урбановіча і грамадскую актывістку Вольгу Нікалайчык затрымалі міліцыянты ў цывільным пасля акцыі памяці Міхася Жызнеўскага, што адбылася сёння ля помніку Тарасу Шаўчэнку.

Publiée par Дмитрий Казакевич sur Mardi 22 janvier 2019

Акцыя прымеркаваная да гадавіны гібелі на Майдане Жызнеўскага распачалася а 19-й. Актывісты прынеслі да помніку Тарасу Шаўчэнку фота Жызнеўскага, запалілі знічкі, а таксама спелі «Мы выйдзем шчыльнымі радамі» і гімн Украіны. Акрамя таго, удзельнікі акцыі выступілі з кароткімі прамовамі.

«Калі давядзецца пакласці свае жыццё за Беларусь, знойдуцца людзі, якія гэта зробяць. Цяпер нам варта аб’яднацца, каб супрацьстаяць імперскай Маскве», – заявіў Урбановіч.

Усяго ў акцыі прынялі ўдзел 7 чалавек.

Дзяніс Урбановіч і Ніна Багінская на акцыі ля помніка Тараса Шаўчэнку
Фота Міхаіла Жызнеўскага на акцыі ля помніка Тараса Шаўчэнку

Пасля акцыі міліцыянты ў цывільным пачалі гуртавацца вакол актывістаў. Чацвёра сілавікоў суправаджалі ўдзельнікаў акцыі да прыпынку грамадскага транспарту і разам з імі селі ў аўтобус. Калі актывісты выйшлі з аўтобусу побач з плошчай Перамогі, міліцыянты выйшлі за імі і пераследавалі іх да плошчы Якуба Коласа, дзе і адбылося затрыманне Нікалайчык і Урбановіча.

ІІ, belsat.eu

Глядзі таксама
Каментары