Сілавікі наляцелі на сустрэчу адвакатаў, якіх дзяржаўныя інстытуты пазбавілі ліцэнзіі, паведамляе «Наша Ніва».
Здарэнне адбылося 26 сакавіка на вуліцы Чырвонай у Менску, дзе размяшчаюцца некалькі юрыдычных кансультацыяў.
У адной з юрыдычных кансультацыяў сустрэліся адвакаты, каб развітацца з пазбаўленымі ліцэнзіі калегамі. Праз паўгадзіны прыехаў АМАП, затрымаў удзельнікаў сустрэчы і адвёз іх у РУУС, а пасля на медычную экспертызу.
На тых, хто быў выпіўшы, склалі пратаколы паводле артыкулу 19.3 КаАП («Распіццё алкагольных напояў на працоўным месцы») і адпусцілі. Тых, хто не выпіваў, адпусцілі без пратаколу.
На думку адвакатаў, такі хуткі прыезд міліцыі можа азначаць, што офісы адвакацкіх кансультацыяў праслухоўваюцца ў рэжыме рэальнага часу.
МГМ belsat.eu
