Аўкцыён праходзіў у віленскай галерэі Саюзу мастакоў Літвы, а таксама ў інтэрнэце. Было прададзена амаль 40 твораў мастацтва. Дабрачынную імпрэзу падтрымала Святлана Ціханоўская, піша Delfi.lt.
Усе сабраныя на дабрачынным аўкцыёне сродкі, а гэта 8 тысячаў еўра, пасля аплаты падаткаў пойдуць палітвязням у Беларусі і іхным сем’ям.
«Падтрымка ад мастакоў і знаўцаў мастацтва з’яўляецца сімвалам таго, што злачынствы рэжыму не забытыя, і мы шчыра клапоцімся пра адважных людзей Беларусі, нашых суседзяў, якія змагаюцца за сваю свабоду», – сказала падчас аўкцыёну старшыня Літоўскага мастацкага таварыства Эгле Ганда Багданіене.
Адной з патронак дабрачыннага аўкцыёну стала Святлана Ціханоўская. Яна зазначыла, што беларусы адчуваюць падтрымку літоўцаў.
«Наш дух высокі, таму што мы ведаем, што мы не адны», – зазначыла беларуская лідарка.
ГГ, belsat.eu