Памежная ахова Польшчы паведаміла, што ўначы з 25 на 26 студзеня на ўчастку Чарэмша беларускія памежнікі, пабачыўшы польскія патрулі, некалькі разоў стралялі з даўгаствольнай зброі.
24 студзеня кіраўнік Памежнага камітэту Беларусі Анатоль Лапо пасля прыёму ў Лукашэнкі заявіў, што «кожны памежны канфлікт пачынаецца з дробязяў».
«Бяспека нашых межаў будзе захаваная любым спосабам. Сілы і сродкі на гэта ў нас ёсць», – заявіў Анатоль Лапо.
Таксама Памежная ахова Польшчы паведаміла, што за мінулыя содні польска-беларускую мяжу спрабавалі нелегальна перайсці 12 асобаў – грамадзянаў Лівану, Іраку і Сірыі.
У сярэдзіне студзеня афіцыйнае беларускае тэлебачанне паведамляла пра 500 мігрантаў, якія заставаліся ў транспартна-лагістычным цэнтры ў «Брузгах» на беларуска-польскай мяжы. У лістападзе 2020 года ўлады Беларусі казалі пра 7 тысяч чалавек у Беларусі (з якіх 2 тысячы ў «Брузгах»), польскія – пра 13–14 тысячаў чалавек, украінскія – пра прыкладна 16 тысяч чалавек. Польшча, Літва і Латвія з таго часу не прымалі значных колькасцяў мігрантаў да сябе, але некаторых парушальнікаў памежнага рэжыму затрымлівалі.
З таго часу Беларусь на самалётах пакінулі каля 4 тысяч мігрантаў.
ЗК belsat.eu