У сховішчы будуць захоўвацца адкіды як БелАЭС, так і іншых вытворцаў, паведамляе афіцыйны тэлеграм-канал Міністэрства энергетыкі.
Пра патрэбу ў сховішчы для радыеактыўных адкідаў міністр энергетыкі Віктар Каранкевіч распавёў журналістам пасля нарады ў Аляксандра Лукашэнкі.
«Будуць вывучаныя сусветныя тэхналогіі, найлепшыя з іх будуць выкарыстоўвацца падчас будоўлі аб’ектаў», – зазначыў міністр.
Для вызначэння месца для сховішча правядзе комплексную працу ў тым ліку новы дэпартамент, што плануюць стварыць у Міністэрстве энергетыкі, з прыцягненнем адмыслоўцаў Нацыянальнай акадэміі навук, сказаў Віктар Каранкевіч.
22 ліпеня на нарадзе Савету Міністраў і Аляксандра Лукашэнкі было агучана, што ў хуткім часе ў Беларусі ўвядуць у эксплуатацыю другі энергаблок АЭС.
ГГ, belsat.eu