Старшыню Беларускай сацыял-дэмакратычнай партыі Ігара Барысава асудзілі за непадпарадкаванне сілавікам на 15 содняў арышту. Палітыка забралі 21 сакавіка і трымалі на Акрэсціна, паведамляе ў сваім Facebook Алена Барысава.
Старшыню Беларускай сацыял-дэмакратычнай партыі Ігара Барысава затрымалі ўчора. Невядомыя ў масках выцягнулі лідара сацыял-дэмакратаў з аўтамабіля, у якім той ехаў з жонкаю і дзіцём.
Падчас затрымання Ігар Барысаў не супраціўляўся. Але яго даставілі на Акрэсціна.
Толькі сёння родныя даведаліся, што Ігара Барысава будуць судзіць. Яму інкрымінуюць непадпарадкаванне службовай асобе і будуць судзіць паводле адміністратыўнага артыкулу 24.3 (раней 23.4).
Суддзя Міхаіл Макарэвіч прызнаў Ігара Барысава вінаватым у непадпарадкаванні і арыштаваў яго на 15 содняў.
Беларуская сацыял-дэмакратычная партыя падавала заяўку на святкаванне Дня Волі.
СК belsat.eu