Польскія спецслужбоўцы выратавалі васьмярых мігрантаў, якія трапілі ў багну паблізу ракі Супрасьль каля польска-беларускай мяжы, паведамляюць памежнікі Польшчы.
Памежнікі Польшчы супольна з выратавальнікамі і паліцыянтамі выратавалі мігрантаў, якія, пераходзячы беларуска-польскую мяжу, трапілі ў багну ў разліве ракі Супрасьль. Мігранты былі знясіленыя і змучаныя, сярод іх было 5 мужчынаў і 3 жанчыны. Сем асобаў трапілі ў больніцу. Адна асоба засталася пад апекаю памежнікаў.
Напярэдадні памежная служба Польшчы паведаміла, што каля мяжы спецслужбоўцы выявілі целы трох асобаў. Цяпер гэтай справай займаецца пракуратура.
СК belsat.eu