Амаль 6,5 млн украінцаў мусілі пакінуць свае дамы ў межах Украіны, бо ўцякалі ад вайны. Яшчэ 3,3 млн выехалі за мяжу ад 24 лютага, паведамляе ААН у сваёй справаздачы.
Агулам колькасць унутрана перамешчаных асобаў і тых, хто ўцёк у іншыя краіны, складае амаль 9,8 млн, то бок больш за 23 % насельніцтва краіны.
Паводле звестак Управы вярхоўнага камісара ААН у справе правоў чалавека, уварванне РФ ва Украіну прывяло да 2149 ахвяраў сярод цывільнага насельніцтва, сярод іх – 816 забітых.
Імаверна, рэальная колькасць ахвяраў вышэйшая – на тэрыторыі Украіны працягваюцца жорсткія сутыкненні. Пагаршаецца сітуацыя ў Марыупалі. Мясцовыя ўлады паведамляюць пра больш як 2350 забітых. Але сапраўдная колькасць ахвяраў можа быць удвая большаю, мяркуюць у ААН.
ЗК belsat.eu