Кіраўнік Народнага антыкрызіснага ўпраўлення Павел Латушка звярнуўся «да ўсіх беларусаў, чые сэрцы патрабуюць пераменаў».
«25 сакавіка, у Дзень Волі, выходзьце на цэнтральныя вуліцы сваіх гарадоў па ўсёй краіне. Пакажыце, што нашая воля мацнейшая за страх», – сказаў кіраўнік НАУ.
Паводле яго, нельга «маўчаць, пакуль у турмах – сотні нявінных людзей, пакуль сотні тысячаў зазнаюць рэпрэсіі, звальненні, застаюцца ў вымушанай эміграцыі».
«25 сакавіка ўва ўсёй краіне мы пачынаем пратэставую вясну – вясну нашага вызвалення! Мы абвяшчаем акцыю «Пульс нашай волі», – заявіў Павел Латушка.
«Пульс нашай волі» будзе складацца з рыхтавання да Дня Волі беларускіх двароў і вулічных акцыяў, якія пройдуць 25 сакавіка. Падрабязнасці першага этапу кіраўнік НАУ паабяцаў агучыць бліжэйшым часам.
МГ belsat.eu