Сужэнцаў, якіх асудзілі на тры месяцы арышту за прыватныя паведамленні, прызналі палітвязнямі
Прадстаўнікі праваабарончай супольнасці Беларусі прызналі палітвязнямі мужа і жонку Сяргея Крупеніча і Анастасію Крупеніч-Кандрацьеву. 26-гадовых жыхароў Менску затрымалі ў сярэдзіне ліпеня 2021 года і 7 разоў запар пакаралі адміністратыўнымі арыштамі, піша праваабарончы цэнтр «Вясна».
Сяргея Крупеніча і Анастасію Крупеніч-Кандрацьеву сем разоў запар пакаралі адміністратыўным арыштам за перасланыя адно аднаму ў асабістых паведамленнях навіны з тэлеграм-каналаў, якія ўлады прызналі экстрэмісцкімі. За кратамі муж і жонка правядуць амаль 100 дзён.
Праваабаронцы прызналі сужэнцаў палітычнымі вязнямі. Праваабарончая супольнасць патрабуе ад уладаў Беларусі неадкладнага вызвалення ўсіх палітычных зняволеных і спынення палітычных рэпрэсій супраць грамадзянаў краіны.
Цяпер у Беларусі 800 палітычных вязняў.
СК belsat.eu
