Радыё «Свабода» паведамляе, што фрылансер Андрэй Кузнечык не выйшаў на волю пасля 10 содняў адміністратыўнага арышту.
Тэрмін арышту скончыўся, але Кузнечык застаўся ў ізалятары. Гэта стала вядома ад ягонай сям’і.
Што стала падставай для перазатрымання журналіста, пакуль невядома.
Нагадаем, Андрэй перастаў выходзіць на сувязь 25 лістапада. Неўзабаве стала вядома, што яго затрымалі, у кватэры правялі ператрус, забраўшы тэхніку ды іншае. Тады ж сілавікі атрымалі доступ да тэлеграм-каналу радыё «Свабоды».
Заводскі раённы суд Менску прызнаў Кузнечыка вінаватым у «дробным хуліганстве» і пакараў 10 соднямі арышту. Андрэй застаецца на Акрэсціна.
На судзе Кузнечык віны не прызнаў.
АД, belsat.eu