Каля будынку суда Менскага раёну, што размяшчаецца ў Менску, утварылася даўжэзная чарга з людзей, якія хочуць трапіць на абвяшчэнне прысуду Марыі Калеснікавай і Максіму Знаку.
Прысуд сябрам прэзідыуму Каардынацыйнай рады і лідарам каманды Віктара Бабарыкі будзе вынесены а 12:00.
Уздоўж чаргі ходзяць людзі ў цывільным з камерамі ў руках, піша «Еўрарадыё».
Сярод тых, хто прыйшоў на абвяшчэнне прысуду, ёсць і таты Максіма Знака і Марыі Калеснікавай.
Пасяджэнне пройдзе ў адкрытым фармаце. Кожны ахвотны можа на ім прысутнічаць.
Максім Знак і Марыя Калеснікава ўжо ў судзе. Іх трымаюць у кайданках. Але Марыі гэта не замінае паказваць сэрцайка.
Сілавікі адмаўляюцца прапускаць на суд замежных дыпламатаў, бо беларускае МЗС пастанавіла дапускаць туды замежнікаў толькі на сваё распараджэнне.
МГ belsat.eu