Рашэнне аб увядзенні надзвычайнага становішча на тэрыторыі часткі Падляскага і Люблінскага ваяводстваў апублікаванае 2 верасня. Адпаведную прапанову прэзідэнту перадала Рада Міністраў у аўторак, 31 жніўня.
Аб’ектыў
Урад Польшчы папрасіў увесці надзвычайнае становішча на памежжы з Беларуссю
2021.08.31 23:22
Рашэнне аб увядзенні надзвычайнага становішча прынятае ў сувязі з асаблівай пагрозай грамадзянам і грамадскаму парадку, што звязана з сітуацыяй на дзяржаўнай мяжы Польшчы з Рэспублікай Беларусь, гаворыцца ў паведамленні Канцылярыі прэзідэнта.
Распараджэнне ўводзіць наступныя абмежаванні.
- Прыпыняе ў зоне дзеяння надзвычайнага становішча права на арганізацыю і правядзенне сходаў, масавых мерапрыемстваў, а таксама культурных і забаўляльных імпрэзаў, нават калі яны не масавыя.
- Забавязвае грамадзянаў, якія дасягнулі ўзросту 18 гадоў і перабываюць у зоне дзеяння надзвычайнага становішча, мець пры сабе дакумент, які пацвярджае асобу, для малодшых за 18 гадоў – даведку са школы.
- Забараняе перабываць у вызначаных месцах, аб’ектах і зонах у акрэслены час.
- Забараняе фіксацыю з дапамогай тэхнічных сродкаў вызначаных месцаў, аб’ектаў, тэрыторыяў.
- Абмяжоўвае права валодання агнястрэльнай зброяй, боепрыпасамі, выбуховымі рэчамі, забараняе іх нашэнне.
- Абмяжоўвае доступ да публічнай інфармацыі аб дзейнасці, якая праводзіцца ў зоне надзвычайнага становішча ў сувязі з аховай дзяржаўнай мяжы і супрацьдзеяннем незаконнай міграцыі.
Аб’ектыў
Гібрыдная атака ад Лукашэнкі
2021.09.01 23:10
Канцылярыя прэзідэнта падкрэслівае, што з Закону аб надзвычайным становішчы выбраныя найменш жорсткія віды абмежаванняў.
Тэрыторыя, на якой дзейнічае надзвычайнае становішча, будзе акрэсленая асобнаю пастановаю. Аднак хутчэй за ўсё гэта будуць 183 мясцовасці, размешчаныя ў трохкіламетровай паласе ад мяжы з Беларуссю, прапанаваныя Радай Міністраў.
Распараджэнне набывае моц у дзень апублікавання.
ГГ, belsat.eu