Упершыню за дзесяць гадоў попыт сярод замежнікаў на адпачынак у беларускіх санаторыях знізіўся. Выратаваць сітуацыю плануюць дзякуючы спа-паслугам.
Пра зніжэнне попыту распавёў дырэктар Рэспубліканскага цэнтру па аздараўленні і санаторна-курортным лячэнні Генадзь Балбатоўскі падчас нарады. Не шмат якія ўстановы аздараўлення павялічылі даходы па экспарце паслугаў у параўнанні з пазамінулым годам.
У мінулым годзе паслугамі беларускіх санаторыяў скарысталіся амаль 195 тыс.замежнікаў. З 2006 года колькасць замежнікаў, што адпачылі ў беларускіх санаторыях, кожны год узрастала, у мінулым годзе рост спыніўся.
Знізілася летась і колькасць расейцаў, адзначыў кіраўнік Рэспубліканскага цэнтру па аздараўленні і санаторна-курортным лячэнні.
«У гэтых умовах трэба актыўней прыцягваць патэнцыйных спажыўцоў з краінай дальняга замежжа», – заўважыў Генадзь Балбатоўскі.
Ён заклікае беларускія санаторыі актыўна ўводзіць спа-паслугі, каб прывабіць замежнікаў.
НМ, belsat.eu, паводле Белта