Рыгор Цярэнцьеў

Ужо болей за год кожная нядзеля ў Берасці – пад знакам пратэсту. Нягледзячы на забарону – берасцейцы ізноў пратэстуюць, бо баяцца за сваё здароўе.

Жыхары вёскі Шэбрын запрасілі журналістаў, каб распавесці, што яны думаюць пра завод. Аднак раней за журналістаў туды прыехалі прадстаўнікі пракуратуры.

Не пыталіся, не абмяркоўвалі ды нават не запрашалі на грамадскія слуханні. Жыхары вёсак пад Берасцем пратэстуюць супраць будаўніцтва акумулятарнага заводу, які плануюць размясціць усяго ў некалькіх кіламетрах ад абласнога цэнтру. Вяскоўцы і эколагі б’юць трывогу, а чыноўнікі запэўніваюць, што новая вытворчасць дасць хлеб амаль як двумстам семʼям.