Міхаіл Грачоў

Два рублі 63 капейкі за долар і два рублі 83 капейкі за еўра паводле курсу Нацыянальнага банку.

Самая нізкая ў гісторыі суверэннай Беларусі інфляцыя. Паводле афіцыйнай статыстыкі, па выніках мінулага года яна склала ўсяго 4,6 %. Пазітыўныя лічбы сёння падае не толькі Белстат, але і міністэрства працы. Дзявяты месяц запар змяншаецца колькасць беспрацоўных.

У Беларусі працягваецца пенсійная рэформа. Ад новага года беларусам трэба будзе працаваць на паўгады даўжэй перад тым, каб выйсці на пенсію. Захады з аднога боку слушныя, кажуць адмыслоўцы, бо гэта найхутчэйшы спосаб зменшыць дзіру ў пенсійным фондзе. А з іншага боку, пенсійны ўзрост трэба будзе павялічваць і пасля афіцыйнага сканчэння рэформы, прагназуюць эксперты. Ці хочуць беларусы і беларускі працаваць даўжэй?