Андрэа Рыгоні

«Лукашэнка – траянскі конь Крамля» – пад такім лозунгам у Бруселі адбыўся пікет супраць удзелу Беларусі ў саміце Усходняга партнёрства, які распачнецца заўтра. Афіцыйны Менск на ім будзе прэзентаваць міністр замежных справаў, паколькі запрошаны кіраўнік краіны вырашыў не ехаць у сталіцу Еўразвязу. Якая атмасфера перад самітам?

Дыялог з афіцыйным Бруселем неабходна працягваць – распавядаў Лукашэнка спавяшчальніку аб Беларусі Парламенцкай Асамблеі Рады Еўропы Андрэа Рыгоні ў той самы час, пакуль людзі ў цывільным затрымлівалі грамадскіх і палітычных актывістаў. У Варшаве ж польскія парламентарыі пасля сустрэчы з беларускаю апазіцыяй і заклікалі прыпыніць хвалю рэпрэсіяў.