Украінскія зняволеныя атрымалі магчымасць ваяваць. Адпаведны закон «Аб добраахвотнай мабілізацыі асуджаных» падпісаў прэзідэнт Украіны Уладзімір Зяленскі 17 траўня.
Згодна з законам, зняволеныя могуць выйсці на волю па ўмоўна-датэрміновым вызваленні для ваеннай службы па кантракце. Аднак для гэтага павінна быць рашэнне суда і даступна гэта не ўсім зняволеным.
«Асуджаныя за цяжкія злачынствы: наўмыснае забойства, згвалтаванне, сексуальны гвалт, за злачынствы супраць асноў нацыянальнай бяспекі – не будуць мабілізаваны!», – распавёў суаўтар законапраекта і дэпутат Вярхоўнай Рады Украіны Аляксей Ганчарэнка.
Таксама ў спісе забароненых артыкулаў тэрарызм і ДТЗ са смяротным зыходам пад уздзеяннем наркотыкаў або алкаголю.
Тых, хто жадае скарыстацца новаўвядзеннем, даволі шмат.
«Ужо па некаторых дадзеных 5 тысяч зняволеных хочуць праходзіць службу ў ЗСУ. Гэта цэлая брыгада», – напісаў Ганчарэнка.
Арсен Рудэнка belsat.eu