Падкантрольныя спецслужбам Telegram-каналы паведамілі пра затрыманне сямейнай пары, якую вінавацяць ва ўдзеле ў пратэстах і дапамозе «экстрэмістам».
На «пакаянным» відэа затрыманы мужчына кажа, што працаваў інжынерам і «паводле роду дзейнасці валодаў інфармацыяй пра месца пражывання найвышэйшых службовых асобаў, у тым ліку кіраўніка дзяржавы». Гэтыя звесткі ён нібыта пакідаў у чаце «Краіны для жыцця».
Мужчына сцвярджае, што таксама быў адміністратарам дваровага чату «Наш двор»: арганізоўваў сустрэчы і пад.
Кажа, разам з жонкай браў удзел у пратэставым маршы 16 жніўня 2020 года. За ўдзел у пратэстах сужэнства звольнілі з працы, пасля чаго яны былі вымушаныя звяртацца па дапамогу да ініцыятывы «ByHelp».
Паводле якіх артыкулаў затрымалі сужэнства і дзе пара цяпер, невядома.
Глеб Нержын belsat.eu
