З 25 да 27 траўня пройдуць выбары ў Каардынацыйную раду 3-га склікання. 24 траўня напярэдадні выбараў «Белсат» зладзіць адмысловы выбарчы вечар у эфіры. Прадстаўнікі выбарчых спісаў збяруцца ў студыі, каб прэзентаваць свае праграмы і адказаць на пытанні.
Якім чынам беларусы могуць уплываць на будучае ў краіне? Ці магчыма гэта ўвогуле, калі асноўныя дэмакратычныя сілы апынуліся за яе межамі? Шукаць адказы на гэтыя пытанні мае намер Каардынацыйная рада, створаная ў 2020 годзе з ініцыятывы Святланы Ціханоўскай як незалежны прадстаўнічы орган грамадзянскай супольнасці Беларусі.
Выбары ў Каардынацыйную раду 3-га склікання пройдуць з 25 да 27 траўня. З 11 спісаў будуць абраныя 80 дэлегатаў.
24 траўня напярэдадні выбараў «Белсат» зладзіць адмысловы выбарчы вечар у эфіры. Упершыню прадстаўнікі спісаў збяруцца ў адной студыі, каб прэзентаваць свае праграмы і адказаць на пытанні гледачоў і вядоўцаў – усё, каб вы змаглі зрабіць свядомы выбар.
Далучайцеся да эфіру і выбарчага вечару 24-га траўня ў пятніцу пасля інфармацыйнай студыі «Белсат» а 21-ай гадзіне паводле беларускага часу.
24 траўня Выбарчая камісія пастанавіла зняць з выбараў у КР спіс №5 «Закон і правапарадак» у якасці пакарання за выкарыстанне чат-бота плану «Перамога» для агітацыі.
Прадстаўнікі выбарчага спісу № 6 «Голас дыяспар» не будуць ўдзельнічаць у перадвыбарчых дэбатах на «Белсаце». «Голас дыяспар» не знайшлі асобу, якая магла б прысутнічаць на дэбатах у Варшаве.
Чытайце таксама адказы на пытанні, якія «Белсат» ужо задаваў прадстаўнікам выбарчых спісаў:
- Адказы на пытанні спісу № 1 «Салідарнасць»
- Адказы на пытанні спісу № 2 «Воля»
- Адказы на пытанні спісу № 3 № «Еўрапейскі выбар»
- Адказы на пытанні спісу № 4 «Наша справа»
- Адказы на пытанні спісу № 6 «Голас дыяспар»
- Адказы на пытанні спісу № 7 «Незалежныя беларусы»
- Адказы на пытанні спісу № 8 «Блок Пракоп’ева-Ягорава»
- Адказы на пытанні спісу № 9 «Каманда Латушкі і Рух «За свабоду»»
- Адказы на пытанні спісу № 10 «Хопіць баяцца!»
- Адказы на пытанні спісу № 11 «Краіна Для Жыцця»
- Адказы на пытанні спісу № 12 «Моладзевы наступ»
