#ІРАН
Улады Ірану будуць здольныя аднавіць узбагачэнне ўрану праз некалькі месяцаў, заявіў кіраўнік Міжнароднага агенцтва атамнай энергіі (МАгАтЭ) Рафаэль Гросі, перадае CBS.
Аляксандр Лукашэнка 27 чэрвеня на паседжанні Найвышэйшага еўразійскага эканамічнага савету ў пашыраным складзе асудзіў удары па Іране, не ўдакладніўшы, аднак, тых, хто гэтыя ўдары наносіў. Пра гэта паведамляе Reform.news.
У сувязі з адкрыццём новых участкаў паветранай прасторы краінаў, праз якія пралягае маршрут з Менску ў Аб’яднаныя Арабскія Эміраты, «Белавія» змагла адмовіцца ад тэхнічнай пасадкі. Пра гэта 27 чэрвеня паведамілі ў авіякампаніі.
Офіс кіраўніка ўрада Ізраілю 24 чэрвеня пацвердзіў спыненне агню ў вайне з Іранам, пра што раней заяўляў прэзідэнт ЗША Доналд Трамп, паведамляе NEWSru.co.il. Гарачая фаза канфлікту пачалася 13 чэрвеня.
Украінскі дыпламат, былы амбасадар у Беларусі Раман Бяссмертны ў сваім акаўнце ў Facebook выказаў здагадку адносна прычынаў візіту ў Менск адмысловага пасланніка прэзідэнта ЗША Доналда Трампа Кіта Келага, вынікам чаго сталася вызваленне часткі беларускіх палітвязняў.
Уначы 20 чэрвеня ізраільская армія атакавала дзясяткі прамысловых аб’ектаў у цэнтры сталіцы Ірану, у тым ліку – вайсковыя ракетныя вытворчыя пляцоўкі і штаб-кватэру SPND, якая праводзіць даследаванні ў рамках іранскага праекту стварэння ядравай зброі. ЗША, у сваю чаргу, разважае над ядравым ударам па іранскім падземным заводзе.
Прэзідэнт ЗША Доналд Трамп запатрабаваў ад Ірану безумоўнай капітуляцыі, на што іранскі духоўны лідар Алі Хамэнэі ў сваім звароце на мясцовым тэлебачанні 18 чэрвеня заявіў, што ягоная краіна ніколі на гэта не пагодзіцца, а іранскі народ ніколі не здаецца.
Авіякампанія «Белавія» эвакуявала з Ірану грамадзянаў Беларусі і Расеі, неабходнасць чаго паўстала праз эскалацыю канфлікту паміж Ізраілем і Ісламскай Рэспублікай. Пра гэта БелТА паведамілі ў беларускім пасольстве ў Азербайджане. Акрамя Ірану, беларусы захраслі таксама ў Аб’яднаных Арабскіх Эміратах.