#ЭМІГРАЦЫЯ

Беларуская рада культуры прааналізавала свае мінулыя даследаванні і паразмаўляла з творцамі, якія працуюць у Беларусі, каб апісаць цяперашні стан культуры ў краіне. Выснова Рады культуры такая: за 5 гадоў змянілася ўсё.

Святы набываюць у эміграцыі асаблівы сэнс. Часта яны – напамін пра дом, нітачка, якая працягвае звязваць з радзімай і традыцыямі продкаў. Некаму святочныя дні ў календары і рыхтаванне да іх дапамагаюць не ўпасці ў дэпрэсію. А хтосьці пачаў па-сапраўднаму адзначаць пэўныя даты якраз за мяжою. Набліжаецца Вялікдзень. Як яго адзначаюць у эміграцыі? Ці змянілася штосьці ў параўнанні з тым, як было ўдома? Апавядаюць беларусы замежжа.

Аляксандр Лукашэнка прыдумаў хітры план – выгнаць нелаяльных беларусаў, а на іхнае месца завезці пакістанцаў. Адразу з сем’ямі. У выніку і эканоміка не пацярпіць, і ўлада ўмацуецца. Але, як адзначаюць эксперты, дакладнасць гэтай схемы да швейцарскага гадзінніка не дацягвае. Па-першае, Беларусь не такі ўжо і рай для пакістанцаў. Па-другое, калі яны і паселяцца ў Баранавічах ці пад Магілёвам, гэта можа толькі павялічыць напружанасць у краіне.

Савет Міністраў бачыць праблему з непапулярнасцю адукацыі ў Беларусі і прымусовым размеркаваннем па атрыманні вышэйшай адукацыі. Вось толькі, мяркуючы са здабытых «BELPOL» дакументаў, не разумее, як гэтыя праблемы развязаць.

«Кіберпартызаны» здабылі афіцыйную статыстыку пра страты беларускага IT-сектару. А літоўская статыстыка сведчыць, што беларускіх айцішнікаў цяпер губляе і Літва.

Грузія чатыры гады таму стала адной з краінаў, дзе беларусам было найлягчэй уратавацца ад рэпрэсіяў на радзіме. Беларускія эмігранты адкрывалі там свае бізнесы і крэатыўныя прасторы, аднак пасля выпадкаў адмовы ва ўездзе і дэпартацыі ды прыняцця закону «аб замежных агентах» шмат хто з’язджае. Паглядзелі, што адбываецца на гэтым тле з культурніцкімі прасторамі.