#СУДЫ Ў БЕЛАРУСІ

За непадпарадкаванне адміністрацыі калоніі 27 лютага ў Беларусі пачалі судзіць грамадзяніна Арменіі, ужо асуджанага летась па «палітычным» артыкуле. Па ім жа другі раз за год судзяць анархіста Аляксандра Францкевіча. Акрамя таго, стала вядома пра папаўненне спісаў «экстрэмісцкіх матэрыялаў» і «асобаў, датычных да тэрарыстычнай дзейнасці». Падрабязней пра рэпрэсіі ў Беларусі ў перадапошні дзень каляндарнай зімы – у нашым аглядзе.

25 лютага ў судах Беларусі распачаўся разгляд некалькіх палітычна матываваных крымінальных справаў. Таксама стала вядома пра прысуд за ўдзел у пратэстах сямейнай пары, а праваабаронцы прызналі палітвязнямі яшчэ 14 чалавек. Падрабязней – у нашым аглядзе рэпрэсіяў.

17 лютага ў судах Беларусі распачаліся ці працягнуліся некалькі палітычна матываваных працэсаў. Таксама сталася вядома пра затрыманне армянскай блогеркі і суды над грамадзянінам Арменіі «за непадпарадкаванне адміністрацыі ваўкавыскай калоніі», «за здраду дзяржаве» – над былым памежнікам. Падрабязней – у нашым аглядзе рэпрэсіяў.

Два суды за сарваны дзяржаўны сцяг, дзявятая крымінальная справа супраць пенсіянера, правяранне на «экстрэмізм» былога мужа бягухі Крысціны Ціманоўскай, чарговы прысуд айцішніку, які заплаціў уладам кампенсацыю ў памеры 31 біткоіну – пра гэтыя і іншыя факты палітычна матываванага пераследу стала вядома праваабаронцам 13 лютага. Падрабязней – у нашым аглядзе.

У розных гарадах Беларусі 11 лютага прайшоў шэраг палітычна матываваных судоў. Стала вядома пра лёс жыхара Магілёву Аляксандра Кандрычына, абвінавачанага ў нападзе з нажом на супрацоўнікаў ГУБАЗіКу. Падрабязней – у нашым аглядзе рэпрэсіяў.

За «распаўсюд экстрэмізму» будуць судзіць Віктара Вялюгу – дырэктара ГЦ «Беларусь» у Віцебску, дзе 13 снежня 2024 года здарыўся моцны пажар, паведамляе «Віцебская вясна».

Групу падлеткаў абвінавацілі ў стварэнні «экстрэмісцкага» фармавання, у Гомлі і Менску распачынаюць судзіць за «парушэнні на выбарах». Таксама стала вядома, што некаторых палітвязняў за кратамі судзяць у другі і трэці разы. Падрабязней пра рэпрэсіі ў Беларусі 29 студзеня – у нашым аглядзе.

На люты ў Менску запланаваныя некалькі адміністратыўных працэсаў за «парушэнні на выбарах», паведамляе праваабарончы цэнтр «Вясна».

Праз амаль 5 гадоў пасля папярэдніх прэзідэнцкіх выбараў і пратэстаў, што пачаліся ўслед за імі, беларусаў працягваюць пераследаваць і судзіць за выказванне сваёй палітычнай волі. 23 студзеня стала вядома пра некалькі судоў за ўдзел у пратэстах і «экстрэмізм», папаўненне спісу «тэрарыстаў». Падрабязней – у нашым аглядзе.

У аўторак, 21 студзеня, беларускія праваабаронцы прызналі палітвязнямі чарговых 15 чалавек. Акрамя таго, стала вядома пра некалькі палітычна матываваных судоў. Блогер Вадзім Ермашук распавёў пра арышт маёмасці. Беларускія дзяржаўныя медыі анансавалі відэаінтэрв’ю з былым «каліноўцам», палітзняволеным Васілём Верамейчыкам. Падрабязней – у нашым аглядзе.

У Берасцейскім абласным судзе 27 студзеня распачнецца разгляд крымінальнай справы – ужо трэцяй – супраць Юліі Лаптановіч з Пружанаў. Жанчына цяпер за кратамі. Раней паводле палітычных артыкулаў судзілі таксама ейных мужа і маці. У Юліі трое няпоўнагадовых дзяцей: два сыны і дачка.

За ўдзел у пратэстах 2020 года сёння, 20 студзеня, пачалі судзіць 29-гадовую настаўніцу, а за нанясенне шкоды Беларусі арыштавалі працаўніцу «Пеленгу такога ж узросту. Таксама стала вядома пра затрыманне дальнабойнікаў. Падрабязнасці – у нашым аглядзе.

У аўторак, 14 студзеня, на дзяржаўным тэлеканале ОНТ выйшаў сюжэт пра журналіста радыё «Свабода» Андрэя Кузнечыка. На 15 студзеня анансаванае інтэрв’ю з Ігарам Лосікам, на наступныя дні – з іншымі зняволенымі журналістамі радыё «Свабода». Акрамя таго, стала вядома пра шэраг палітычна матываваных судоў над беларусамі. Падрабязней апавядаем у нашым аглядзе рэпрэсіяў.

У панядзелак, 13 студзеня, стала вядома пра некалькі палітычна матываваных судоў, абвяшчэнне ў вышук расейскага журналіста ў Беларусі, затрыманні беларусаў на мяжы, пагрозы звальненнем гарадзенцам, якія праносяць на працу смартфоны. Больш дэталёва – у нашым аглядзе рэпрэсіяў.

76-гадовы бізнесмен Сямён Добкін, які быў у зняволенні, раптам вярнуўся на працу ў берасцейскую кампанію ГСКБ, паведамляе «Наша Ніва». Добкін быў арыштаваны ў снежні 2023 года і асуджаны на 6,5 гадоў зняволення.

У судзе Быхаўскага раёну 31 снежня разглядалася адміністратыўная справа ў дачыненні начальніка планава-эканамічнага сектару торфапрадпрыемства «Дняпроўскае» ў Быхаве Канстанціна Дземянкова.

Паводле палітычных крымінальных справаў у Беларусі ў 2024 годзе асудзілі не менш за 1721 чалавека, паведамляе Праваабарончы цэнтр «Вясна».

У Менскім гарадскім судзе 24 снежня распачаўся працэс ў дачыненні стэндап-коміка Славы Камісаранкі, паведамляе Праваабарончы цэнтр «Вясна».

Пачатак перадапошняга тыдню снежня адзначыўся навінамі пра чарговы рэйд КДБ па сем’ях палітвязняў, а таксама пра шэраг палітычна матываваных судоў. Падрабязней – у нашым аглядзе.