#СУД
У суд скіравалі крымінальную справу супраць беларуса Сяргея Ерамеева, якога абвінавацілі ў падрыве тунэлю на чыгунцы ў Бураціі, паведамляе Генпракуратура Расеі.
У судзе Ленінскага раёну Горадні 30 траўня вынеслі завочны прысуд саўладальніку будынку, у якім месціцца польскае консульства, 72-гадоваму Станіславу Буйніцкаму, паведамляе Праваабарончы цэнтр «Вясна».
Гарадзенскі абласны суд вынес прысуд у межах адмысловага вядзення блогеру і стваральніку шэрагу праектаў Антону Матольку. Пра гэта 3 чэрвеня паведамілі ў Генеральнай пракуратуры Беларусі.
Літва 19 траўня накіравала заяву ў Міжнародны суд ААН аб парушэнні Беларуссю абавязкаў у межах пратаколу супраць незаконнага ўвозу мігрантаў па сушы, моры і паветры ад 15 лістапада 2000 года, які дапаўняе Канвенцыю Арганізацыі Аб'яднаных Нацыяў супраць транснацыянальнай арганізаванай злачыннасці. Пра гэта паведаміў намеснік кіраўніцы Аб’яднанага пераходнага кабінету Павел Латушка.
Суд Петрыкаўскага раёну задаволіў пазоў працаўніка мясцовага прадпрыемства меліяратыўных сістэмаў аб адмене дысцыплінарнага спагнання, піша «Флагшток» са спасылкай на прэс-службу Гомельскага абласнога суду.
Адмысловы трыбунал у Гаазе (Нідэрланды), які маюць намер стварыць для пераследу за агрэсію супраць Украіны, не будзе судзіць Уладзіміра Пуціна завочна, пакуль ён застаецца прэзідэнтам. Пра гэта паведамляе «Euronews».
