#ПРАЦА

150 тысяч пакістанцаў пакуль што не прыехалі, аднак і без іх на вуліцах нашых гарадоў стала столькі асобаў з азіяцкіх і афрыканскіх краінаў, што гэта ўжо кідаецца ў вочы, кажуць беларусы. Шмат хто з замежнікаў працуюць прыбіральнікамі, дворнікамі, на ўкладцы бруку, афіцыянтамі і нават дактарамі і медсёстрамі. Як яны прыязджаюць да нас? На якія ўмовы і заробкі? Хто ім дапамагае? Адшукалі працоўныя агенцтвы ў Пакістане, Індыі, Нігерыі ды іншых краінах, якія клічуць на працу ў Беларусь.

У Беларусі «дармаедаў» працягваюць запужваць – па «незанятых у эканоміцы» ходзіць міліцыя і выклікае ў РАУСы ды цэнтры занятасці. Чытач з Бабруйску распавёў, што яму позву прынёс цэлы нарад з некалькіх працаўнікоў пры аўтаматах праз плячо. Да іншых завітвалі ўчастковыя. Ці абавязкова ісці на такія выклікі? І ці могуць пакараць, калі не прыйсці? Разбіраемся ў матэрыяле.

Працоўных мігрантаў у Беларусі ўсё больш. Улады радуюцца: будзе каму працаваць і плаціць падаткі ў бюджэт. А вось сярод грамадзянаў гэткага адзінадушнага аптымізму няма: хто ведае, а раптам тыя тысячы забяруць усю працу ў мясцовых? Чаго ж у гэтай гісторыі больш: страху ці аптымізму? І наколькі і тыя, і гэтыя спадзяванні абгрунтаваныя?

Траціна беларусаў, якія цікавяцца новымі тэхналогіямі, мяркуе, што за бліжэйшыя 10 гадоў штучны інтэлект зможа замяніць людзей у бальшыні прафесіяў. Нейрасеткі сапраўды робяць такое, што яшчэ некалькі гадоў таму магло здацца навуковаю фантастыкай, але пагроза рынку працы не такая, як шмат хто думае, кажа «Белсату» эксперт у штучным інтэлекце.

Рынак працы ў Беларусі парадаксальны:з аднаго боку – процьма вакансіяў, з другога – мноства асобаў, якія не могуць уладкавацца на працу. Як так атрымалася?

У ініцыятыве «Гэта наш горад» расказалі, ці абавязаныя беларусы ўдзельнічаць у суботніках і як ад гэтага можна абараніцца, калі няма ахвоты браць удзел. Рэспубліканская акцыя пройдзе ўжо ў гэтую суботу.

Раскладаем па паліцах галоўныя падзеі апошніх сямі дзён.

Міністр унутраных справаў Беларусі Іван Кубракоў распавёў, што пасля таго як міліцыя пачала рабіць рэйды па «дармаедах» у Менску, цэнтры занятасці насельніцтва зарэгістравалі павелічэнне колькасці зваротаў.

Ва ўсіх раёнах Менску пройдуць «пазапланавыя адпрацоўкі» з мэтай выяўлення «працаздольных асобаў, не занятых у эканоміцы». Такі загад даў міліцыі міністр унутраных справаў Беларусі Іван Кубракоў падчас нарады ў Менгарвыканкаме 17 лютага.

Міністэрства працы і сацыяльнай абароны Беларусі пашырыла пералік працоўных прафесіяў і пасадаў службоўцаў, на якія замежных грамадзянаў і асобаў без грамадзянства можна прыцягваць у спрошчаным парадку.

У Гомельскай вобласці рэзка вырасла колькасць «дармаедаў», і асабліва гэта датычыць Светлагорскага раёну, дзе ў базу грамадзянаў, не занятых у эканоміцы, залучаныя больш за 9 тысяч чалавек. Пра гэта паведаміла газета мясцовага райвыканкаму «Светлагорскія навіны».

Цягам 10 месяцаў 2024 года ў Беларусі на працу прынялі 558,54 тысячы чалавек, а звольнілі – 597,26 тысяч: на 38,72 тысячы больш. Гэта вынікае з дадзеных, апублікаваных у справаздачах Белстату.

Аляксандр Лукашэнка 11 кастрычніка падпісаў закон «Аб змяненні законаў у пытаннях занятасці насельніцтва», які мусіць «выключыць утрыманства і стварыць умовы для занятасці насельніцтва».