#ПОЛЬША

Цэнтр беларускай салідарнасці (ЦБС), што дапамагае беларусам пераадольваць цяжкасці ў эміграцыі, сутыкнуўся з фінансавымі праблемамі, праз якія можа скараціць сваю дзейнасць. Таму адкрыў збор на «BYSOL». Расказваем, чаму праца каманды ЦБС вельмі важная.

Кіраўнік МЗС Польшчы Радослаў Сікорскі нагадаў амерыканскаму мільярдэру Ілану Маску, што за «Starlink» для Украіны бізнесовец атрымлівае нямала грошай і, калі што, знойдзецца іншы пастаўляльнік паслуг. Гэта Сікорскі напісаў у Х, каб адказаць на допіс Маска, што без «Starlink» украінскі фронт абрынецца.

З студзеня 2025 года дактарам дзяржаўных установаў павялічылі надбаўкі да акладу на 45 %, а на працягу года плануецца паступовае павелічэнне надбавак для сярэдняга медперсаналу на 35 % ад акладу. Аляксандр Лукашэнка перад Новым годам паабяцаў, што «будзем старацца так, каб вы на сваёй роднай зямлі працавалі, а не бегалі дзесьці па свеце ў пошуках лепшага жыцця». «Белсат» даведаўся ў медыкаў, ці дапамогуць надбаўкі ўтрымаць іх ад эміграцыі.

Кіраўнік фонду «Białoruska Chrześcijańska Demokracja fundacjaBChD» (партыя «Беларуская хрысціянская дэмакратыя») Яўген Дудкін прызнаўся, што супрацоўнічае з КДБ. Такую заяву ад імя партыі зрабіў сустаршыня БХД Георгій Дзмітрук. Дудкін піша, што супраць ягонай асобы спецыяльна распачатая кампанія.

У Польшчы 26 студзеня памёр былы генеральны дырэктар «Пінскдрэву» Ларан Арыніч. Пра гэта выданню «MOST» распавялі знаёмыя сям'і. Арыніч 14 гадоў не быў у Беларусі і спрабаваў давесці, што не вінаваты ў выбуху на прадпрыемстве.