#ПАЛІТВЯЗНІ

Ужо найбліжэйшымі тыднямі ў Менск можа прыехаць новы амбасадар з Еўразвязу – свайго прадстаўніка следам за Вугоршчынай дасылае Славаччына. Ёсць думка, што гэта станоўчы крок, які можа паспрыяць вызваленню беларускіх палітвязняў. Праўда, ці паспрыяла гэтаму вугорская дыпламатыя – незразумела.

У Варшаве адкрылася выстава асабістых рэчаў палітвязняў «Нічога асабліва новага». На яе ў тым ліку ў афіцыйнай праграме запрашалі ўдзельнікаў IV Канферэнцыі беларусаў і беларусак свету. Завіталі на выставу і журналісты «Белсату».

У дачыненні да палітвязня Міколы Дзядка завялі новую крымінальную справу, паведамляе звязаны з сілавікамі тэлеграм-канал. Пра гэта і іншыя парушэнні правоў у Беларусі распавядаем у аглядзе рэпрэсій.

Кіраўнік Агенцтва еўраатлантычнай супрацы Валер Кавалеўскі ў эфіры «Студыі «Белсат» 21 траўня заявіў пра неабходнасць змяняць стратэгію дэмакратычных сілаў адносна вызвалення палітвязняў. У сваю чаргу, прадстаўнік фонду «BYSOL» Зміцер Ягораў расказаў, як можна падтрымліваць зняволеных ужо цяпер.

Лідарка беларускіх дэмакратычных сілаў Святлана Ціханоўская звярнулася да беларусаў у Дзень салідарнасці з палітычнымі вязнямі – 21 траўня.

18 траўня ў Варшаве прайшла акцыя «Шлях да волі», прысвечаная Дню палітвязня, што адзначаецца 21 траўня (дзень смерці Вітольда Ашурка). Яе ўдзельнікі стварылі на пляцы Каперніка інсталяцыю з партрэтамі палітвязняў на кратах. Але не толькі гэтым была адметная акцыя. Месца імпрэзы нечакана сталася пляцоўкаю адкрытай палемікі паміж палітыкамі, чые ўяўленні пра сам гэты «шлях да волі» розняцца амаль радыкальна. Перад беларусамі выступілі Павел Латушка і Зянон Пазняк.

21 траўня – Дзень салідарнасці з палітзняволенымі і чацвёртая гадавіна смерці Вітольда Ашурка ў зняволенні. З гэтай нагоды праваабарончы цэнтр «Вясна» і Аб’яднаны пераходны кабінет заклікаюць беларусаў замежжа далучыцца да акцыяў салідарнасці.

Апошнімі днямі стала вядома пра смерць дзвюх былых палітзняволеных, Ганны Кандраценкі і Тамары Каравай. Праваабаронца Марына Касінерава ў каментары «Белсату» адзначыла, што ў Беларусі агулам умовы, у якіх трымаюць вязняў, не адпавядаюць нормам, а ў дачыненні палітычных «ужываюцца яшчэ больш жахлівыя практыкі».

Былы палітзняволены і фігурант «справы змоўцаў» Юрась Зянковіч распавёў пра свае планы і што яму вядома пра тое, чаму Аляксандр Фядута дасюль не на волі. Ён таксама анансаваў продаж на аўкцыёне цукерак, што атрымаў нібыта ад Аляксандра Лукашэнкі. Грошы абяцае перадаць на дапамогу палітвязням. Гэтым ён падзяліўся на прэс-канферэнцыі 12 траўня.

У Музеі Вольнай Беларусі ў Варшаве адкрыецца незалежная выстава «Застацца / Zostać», натхнёная постаццю і мастацтвам загінулага палітвязня Алеся Пушкіна. Выстава пачне працу 6 жніўня 2025 года. Цяпер ахвочыя мастакі могуць падаць заяўку і прыяднацца да падзеі.