#НОВЫ ГОД

Ранішнікі, рэзідэнцыі Дзедаў Марозаў, ялінкі ад БРСМ і выканкамаў, і ўсё – па-расейску: у тым, як святкуюць Новы год у Беларусі, нічога не змяняецца. Хоць з’яўляюцца часам не самыя банальныя прапановы ад прыватных фірмаў. Паглядзелі, колькі гэта ўсё сёлета каштуе, а яшчэ – паспрабавалі адшукаць беларускамоўнага Дзеда Мароза. Ці атрымалася – чытайце ў нашым матэрыяле.

Раскладзём па паліцах самыя галоўныя падзеі апошніх сямі дзён.

Большая частка Беларусі не пабачыла снегу на каталіцкія Каляды і наўрад ці пабачыць на Новы год. Затое па ўсёй Беларусі ўжо стаяць ялінкі. «Белсат» паглядзеў, як яны выглядаюць на фоне суседніх краінаў.

Беларускія дыяспары ў розных краінах свету ладзяць святкаванне Калядаў і Новага года на роднай мове і паводле нашых традыцыяў. Зрабілі падборку імпрэзаў, якія адбудуцца ўжо ў найбліжэйшыя дні.

Адна з няпростых, але адначасова прыемных задач у святочны перыяд – падарункі. Як павіншаваць сваякоў, сяброў, калег не толькі прыгожа, але і з беларускім каларытам? Сабралі для вас некалькі ідэяў арыгінальных падарункаў, якія не толькі парадуюць тых, хто іх атрымае, але і дапамогуць падтрымаць беларускіх творцаў.