#МІРНЫЯ ПЕРАМОВЫ
Расея перадасць Украіне «мірны мемарандум» у бліжэйшыя дні, праца над дакументам знаходзіцца ў завяршальнай стадыі, распавёў намеснік старшыні Савету Федэрацыі Расеі Канстанцін Касачоў медыягрупе «Звезда».
Прэзідэнт ЗША Доналд Трамп падчас тэлефоннай размовы 19 траўня папрасіў прэзідэнта Расеі Уладзіміра Пуціна падрыхтаваць «мемарандум міру», які «людзі змогуць прыняць», а не такі, што адразу будзе адхілены. Пры гэтым еўрапейскія лідары здзіўленыя, што Трамп задаволены вынікам, хоць Пуцін не прапанаваў нічога новага ў размове. Пра гэта паведамляе выданне «Axios» са спасылкай на крыніцы.
На сустрэчы ў Стамбуле, якая распачынае мірныя перамовы, 16 траўня прысутнічалі прадстаўнікі дэлегацыяў Украіны, Расеі і Турцыі. Па выніках сталася вядома, што Расея выставіла нерэалістычныя патрабаванні.
Сустрэча дэлегацыяў Украіны і Расеі ў Турцыі адбудзецца 16 траўня. А 10:45 менскага часу збіраюцца групы Турцыі, ЗША і Украіны, а 12:30 плануецца сустрэча дэлегацыяў Украіны, Расеі і турэцкага боку, паведамляе «Reuters».
МЗС Беларусі выпусціў заяву, у якой выказаўся пра дыпламатычныя перамовы паміж Украінай і Расеяй як адзінае развязанне канфлікту. Пра гэта МЗС напісаў у Х.
Уладзімір Пуцін у заяве 11 траўня адмовіўся ад прапановы Францыі, Нямеччыны, Польшчы, Вялікай Брытаніі і Украіны аб 30-дзённым замірэнні. Ён заявіў, што гатовы да наўпроставых перамоваў з Украінай у Стамбуле ўжо 15 траўня, гаворыцца на сайце Крамля.
Прэзідэнт ЗША Доналд Трамп дакладна не зможа дамагчыся міру ва Украіне за 100 дзён свайго прэзідэнцтва, а ці адмовіцца ён ад намаганняў спыніць вайну ва Украіне, як заявіў дзяржсакратар ЗША, не ведае нават сам Трамп. Такія думкі выказаў «Белсату» палітолаг, дырэктар Украінскага інстытуту сусветнай палітыкі Яўген Магда.
Прэзідэнт ЗША Доналд Трамп правёў «фантастычную тэлефонную размову» з прэзідэнтам Украіны Уладзімірам Зяленскім, падчас якой яны дамовіліся пра частковае спыненне агню ў энергетычнай сферы. Пра гэта і пра іншыя падрабязнасці размовы распавяла прэс-сакратарка Белага дому Кэралайн Лэвіт.
Прэзідэнт ЗША Доналд Трамп і прэзідэнт Украіны Уладзімір Зяленскі пагаварылі праз тэлефон. Трамп у сваім допісе назваў гутарку «вельмі добраю».
Расея зацягвае перамовы наконт вайне ва Украіне, выстаўляючы невыканальныя ўмовы, а дамоўленасці пра частковае спыненне агню можа парушыць, абвінаваціўшы Украіну ў правакацыях. Такое меркаванне «Белсату» выказаў палітычны аглядальнік, гісторык Аляксандр Фрыдман па выніках тэлефоннай размовы паміж прэзідэнтам ЗША Доналдам Трампам і прэзідэнтам Расеі Уладзімірам Пуціным 18 сакавіка.
Амерыканскія і расейскія афіцыйныя асобы сустрэнуцца ў Саудаўскай Аравіі найбліжэйшымі днямі, каб распачаць перамовы, скіраваныя на спыненне вайны ва Украіне. Пра гэта паведамляе «Reuters» са спасылкаю на крыніцы, знаёмыя з планамі.
