#МІГРАЦЫЙНЫ КРЫЗІС

Часовая забарона на знаходжанне на тэрыторыі, што прылягае да польска-беларускай мяжы – у так званай буфернай зоне – працягнутая яшчэ на 90 дзён. Пастанова аб працягу яе дзейнасці ўступіць у сілу ў аўторак, 10 снежня, паведамляе польскае Міністэрства ўнутраных справаў і адміністрацыі.

Міністр унутраных справаў і адміністравання Польшчы Томаш Семоняк у эфіры тэлеканалу TVN24 апавёў пра зніжэнне спробаў незаконна мінуць беларуска-польскую мяжу ў кастрычніку. Паводле чыноўніка, гэта можа быць звязана з надвор’ем і не азначае спынення міграцыйнага крызісу.

Войскі на польска-беларускай мяжы ўжываюць зброю ў сярэднім некалькі разоў на дзень, аднак усе стрэлы папераджальныя, сцвярджае Міністэрства нацыянальнай абароны Польшчы.

У аўторак, 22 кастрычніка, на мяжы з Польшчай, у Камянецкім раёне, быў знойдзены труп мігранта, паведамляе прэс-служба Дзяржаўнага памежнага камітэту Беларусі.

Прэзідэнт Польшчы Анджэй Дуда назваў міграцыйную стратэгію, якую прэзентаваў за дзень да гэтага прэм’ер-міністр Дональд Туск, «фатальнай памылкай», якая зробіць немагчымым наданне прытулку беларускім апазіцыянерам. Прэм’ер патлумачыў, што гэта не датычыць беларускіх апазіцыянераў, бо яны не пераходзяць мяжы нелегальна.

У аўторак 15 кастрычніка Рада міністраў Польшчы ўхваліла новую міграцыйную стратэгію Польшчы на 2025–2030 гады, якую прадставіў прэм’ер-міністр Дональд Туск. Адным з яе пунктаў, які выклікаў найбольш пытанняў, стала заяўленае часовае тэрытарыяльнае прыпыненне права на прытулак.

Як гэта выглядае з пункту гледжання Жэнеўскай канвенцыі аб статусе ўцекачоў, і ці закране новая стратэгія беларусаў, асабліва тых, што ўцякаюць ад пераследу на радзіме лясамі і балотамі, часам без дакументаў? Задалі гэтыя пытанні юрысту і праваабаронцы, які спецыялізуецца на тэме міжнароднай абароны Раману Кісляку, і кіраўніку фонду BYSOL, што эвакуюе беларусаў, Андрэю Стрыжаку.

Сацыёлаг Генадзь Коршунаў прыкмеціў цікавую рэч: у той час як усе кажуць, што на мяжы Беларусі з заходнімі краінамі назіраецца зацішша па наплыве мігрантаў, там насамрэч адбываецца рост спробаў нелегальнага пераходу.

«Белсат» атрымаў адказ з Міністэрства замежных справаў Літвы што да ўдзелу прадстаўнікоў краіны ў канферэнцыі аб супрацьдзеянні нелегальнай міграцыі, правядзенне якой на тэрыторыі Беларусі анансаваў міністр замежных справаў нашай краіны Максім Рыжанкоў.

Міністр замежных справаў Беларусі Максім Рыжанкоў анансаваў правядзенне міжнароднай канферэнцыі аб супрацьдзеянні нелегальнай міграцыі і паведаміў, што на яе будуць запрошаныя міністры краінаў Еўразвязу. «Белсат» накіраваў запыты ў міністэрствы замежных справаў суседніх краінаў з пытаннем пра тое, ці прыедуць яны на такое мерапрыемства.