#МЯЖА

Выезд у Літву і Латвію куды хутчэйшы за выезд у Польшчу: у Берасці давядзецца чакаць каля 90 гадзінаў.

Калі пад мяжой аўтобус чакае ў чарзе, а ў іншым аўтобусе той жа кампаніі, што стаіць бліжэй да мяжы, ёсць месца, то можна бясплатна перасесці. Так могуць рабіць пасажыры «Менсктрансу» і з 30 траўня – «Intercars'у».

Латвія запланавала правесці мадэрнізацыю адзінага адкрытага пункту пропуску на мяжы з Беларуссю і яшчэ двух – на мяжы з Расеяй. Бюджэт праекту – 35,7 млн еўраў. Працы прадугледжаныя маштабныя, але памежная служба кажа «Белсату», што планаў закрываць пераход на час рэканструкцыі няма.

Еўропа прабудзілася, дзякуючы Трампу, і сур’ёзна ўспрымае перасцярогі пра магчымы расейскі напад, запэўнівалі на буйной канферэнцыі на тэму абароны ў Варшаве. Польшча выдаткоўвае на абарону і мадэрнізацыю войска рэкордныя сумы – і частка гэтых грошай ідзе на абарону мяжы з Беларуссю.

Ужо два тыдні трапіць з Беларусі ў Польшчу цяжка: даводзіцца чакаць не адзін дзень пасля рэгістрацыі ў зоне чакання і прыдумляць, дзе пераначаваць у Берасці. Чарга ў Літву амаль знікла, але з ёю знікла і святло ў «Беняконях».

У канцы выходных аўтамабільныя чэргі на ўездзе ў Польшчу з Беларусі проста велізарныя – кіроўцы чакаюць 50 гадзінаў. З аўтобусамі сітуацыя 4 траўня спрыяльная для пасажыраў, але становіцца горшай, пішуць у тэматычных чатах.

Беларусам наўрад ці ўдасца раптоўна прыехаць на найбліжэйшыя выходныя ў Польшчу: пакуль на мяжу выклікаюць тых, хто зарэгістраваўся ў зону чакання 29 красавіка. Праскочыць у Латвію яшчэ магчыма, у Літву – ужо давядзецца крыху пачакаць.

Пасля Вялікдня на мяжы з Польшчай утварылася гіганцкая чарга, якая за 10 дзён не знікла, але крыху змяншаецца. На межах з Літвой і Латвіяй такой праблемы няма.