#МЕНСК
Галоўнае ўпраўленне камунікацыяў Збройных Сілаў Украіны ў каментары «Белсату» зняпраўдзіла ўжыванне беспілотніка ў Беларусі. Паводле заяваў беларускіх уладаў, менавіта ўкраінскі БПЛА ўрэзаўся ў жылы дом у Менску.
Нясвоечасовая аплата жыллёва-камунальных паслуг можа спрычыніцца да канфіскацыі жытла. Пра гэта 31 ліпеня заявілі ў тэлеграм-канале адміністрацыі Партызанскага раёну Менску.
Галоўнай навіной 29 ліпеня стаў выбух над Менскам дрону. З аднаго боку гэта доказ таго, што мірнае неба над галовамі беларусаў, пра якое так любяць казаць улады, – міф прапаганды, ужо не ў першы раз зняпраўджаны фактамі. З другога ж сама сітуацыя наводзіць на думку пра інсцэнізацыю здарэння беларускімі сілавікамі.
Падзенне дрона ў жылым раёне ў Менску – гэта адлюстраванне таго, што Беларусь знаходзіцца ў стане вайны як хаўруснік Расеі. А беларусам трэба быць гатовымі да таго, што падобныя і больш страшныя падзеі могуць адбывацца і далей. Гэткае меркаванне выказаў «Белсату» палітычны аналітык Андрэй Ягораў.
Недалёка ад месца падзення дрона на Матусевіча 72 у Менску людзі цяпер свабодна прыходзяць ва ўстановы паблізу, міліцыя ніякіх папярэджанняў не рабіла, даведаўся «Белсат».
На Менск ізноў абрынулася непагадзь – праз залеву падтопленыя некалькі вуліцаў, рух транспарту там ускладнены і рэгулюецца інспектарамі ДАІ, расказала УДАІ ГУУС Менскага гарвыканкаму раніцаю 23 ліпеня.
Міністэрства культуры Беларусі зацвердзіла ахоўныя зоны вакол былога СІЗА на Валадарскага – Пішчалаўскага замку. Адпаведная пастанова была апублікаваная на Нацыянальным прававым інтэрнэт-партале 19 ліпеня.
У выніку пажару 15 ліпеня менскаму заводу «Керамін» – аднаму з найбуйнейшых прадпрыемстваў у вырабе керамічнай і керамагранітнай пліткі ва Усходняй і Цэнтральнай Еўропе – была нанесеная вялікая шкода. Пра гэта паведамляе «Наша Ніва», прааналізаваўшы вядомыя факты датычна здарэння.
Менскі гарадскі выканаўчы камітэт павысіў цэны на прымусовую эвакуацыю і захоўванне аўтамабіляў. Гэтая пастанова была апублікаваная 24 чэрвеня на Нацыянальным прававым інтэрнэт-партале.
У Менску недастаткова касцоў і ёсць праблема з узгодненасцю працы ЖКГ, у выніку чаго самым частым парушэннем санітарных патрабаванняў у сталіцы сталася няскошаная трава. Намеснік старшыні Менгарвыканкаму Алег Корзун хоча развязаць праблему за кошт працы студэнтаў, піша «Минск-новости».
Беларусы могуць адмовіцца ад дадатковых камунальных паслуг і такім чынам зменшыць свае выдаткі. Пра гэта расказала намесніца генеральнага дырэктара ў ідэалагічнай працы ГА «Менская гарадская жыллёвая гаспадарка» Вольга Драпей.