#МАРЫЯ ЗАЙЦАВА

У ноч з 9 на 10 жніўня 2020 года Марыя Зайцава трапіла ў Менску пад выбухі на пратэстах супраць фальсіфікацыі выбараў прэзідэнта Беларусі. Фатаграфіі ейнай параненай галавы разляцеліся па ўсім свеце. У студзені 2025 года дзяўчына загінула пад Пакроўскам як снайпер ІІ Інтэрнацыянальнага легіёну Украіны.

Развітанне з беларускай добраахвотніцай Марыяй Зайцавай, якая загінула, абараняючы Украіну, адбылося ў Кіеве 3 лютага, паведамляе радыё «Свабода» са спасылкай на сяброў Марыі.

Асабістыя рэчы беларускай добраахвотніцы Марыі Зайцавай, якая загінула, абараняючы Украіну, перадалі ў музей «Вольная Беларусь з Украінай у сэрцы» ў Львове. Пра гэта паведамляе тэлеграм-канал фонду «ВІЛЬНА БІЛОРУСЬ».