#КАРУПЦЫЯ
У Кіеве, Львове, Дняпры і Адэсе прайшлі акцыі супраць змены заканадаўства, звязанага з барацьбой з карупцыяй, піша «Украінская праўда». Ёсць асцярогі, што органы, адказныя за антыкарупцыйную палітыку, ператварыліся ў падкантрольныя толькі прэзідэнту Украіны.
Пасля таго, як бізнесовец Аляксандр Машэнскі трапіў пад санкцыі Польшчы за сувязь з уладамі Беларусі, у сеціве ўзнавілася дыскусія пра тое, ці сапраўды трэба было гэтак абыходзіцца з Машэнскім. Хтосьці ўзгадвае ўсе ягоныя «грахі», а хтосьці лічыць, што доказаў недастаткова, каб лічыць яго «гаманцом» Лукашэнкі. «Белсат» паспрабаваў разабрацца, а як увогуле вызначыць «гаманца» і ў які момант бізнес робіцца занадта блізкім да ўладаў.
У Беларусі выкрытая злачынная схема закупаў лекавых сродкаў рэспубліканскага маштабу. Сярод фігурантаў – прадстаўніца Міністэрства аховы здароўя, заявілі ў Міністэрстве ўнутраных справаў.
Цяперашні намеснік міністра ўнутраных справаў Беларусі Мікалай Карпянкоў, які на чале ГУБАЗіКу ўзвысіўся падчас задушэння пратэстаў 2020 года, мог быць датычным да атрымання грошай ад гандляроў наркотыкамі. Пра гэта ў выніку расследавання заявілі журналісты «Бюро».
Праваслаўны Свята-Елісавецінскі манастыр (СЕМ) у Менску, які актыўна падтрымлівае Аляксандра Лукашэнку і вайну Расеі супраць Украіны, сутыкнуўся з фінансавымі правяраннямі і абмежаваннем сваёй дзейнасці. Гэта паведамляюць незалежныя рэсурсы і пацвердзілі «Белсату» у самім манастыры.
Генеральная пракуратура Беларусі накіравала ў суд крымінальную справу ў дачыненні да былога першага намесніка начальніка Беларускай чыгункі (БЧ) Пятра Дулуба, якога вінавацяць у карупцыі. Пра гэта паведамілі ў прэс-службе ведамства.
На Мазырскім НПЗ прайшла чарада затрыманняў сярод топавых кіраўнікоў прадпрыемства. Пра гэта паведамляе «Флагшток» са спасылкай на крыніцу, звязаную з дзейнасцю прадпрыемства.
Савет Міністраў Беларусі прыняў пастанову № 206 ад 10 красавіка «Аб ажыццяўленні дзяржаўных закупаў з ужываннем працэдуры закупу з адной крыніцы». Дакумент набывае моц пасля афіцыйнага апублікавання і дзейнічае цягам двух гадоў.
