#КААРДЫНАЦЫЙНАЯ РАДА

Другі дзень канферэнцыі «Новая Беларусь» пачаўся 10 жніўня ў Варшаве. У другі і фінальны дзень імпрэзы плануецца абмеркаваць, сярод іншага, формы сувязі, даверу і адказнасці, пытанні беларускай культуры і іншае.

Каардынацыйная рада 8 жніўня завяршыла слуханні прадстаўнікоў Аб’яднанага пераходнага кабінету. На заканчэнне слуханняў выслухалі кіраўніцу Кабінету: выбраную прэзідэнтку Святлану Ціханоўскую. Папярэдне яна пагадзілася на больш доўгую сесію пытанняў і адказаў перад дэлегатамі КР.

Каардынацыйная рада 8 жніўня завяршае слуханні чальцоў Аб’яднанага пераходнага кабінету. Апошнім слухалі прадстаўніка ў справе транзіту ўлады, намесніка кіраўніцы Кабінету Паўла Латушку. Ён расказаў пра санкцыі і іх эфектыўнасць, пра прыцягненне да адказнасці вінаватых у рэпрэсіях і рыхтаванне кадравага рэзерву. Яго пакрытыкавалі за тое, што прадстаўніцтва ў справе транзіту не дамаглося транзіту ўлады. 

Каардынацыйная рада працягнула слуханні прадстаўнікоў Аб’яднанага пераходнага кабінету. Ранкам 8 жніўня ў Варшаве слухалі і распытвалі прадстаўніцу па моладзевай палітыцы Маргарыту Ворыхаву і прадстаўніцу па сацыяльнай палітыцы Вольгу Зазулінскую.

Узровень даверу да беларускіх ваяроў ва ўкраінскім грамадстве – 90 %. Разам з тым яны і іхныя сем’і ўвесь час сутыкаюцца з рознымі цяжкасцямі – у легалізацыі, з выплатай грашовых кампенсацыяў, наданнем вайсковых званняў, атрыманнем вайсковай адукацыі, псіхалагічнай дапамогай і рэабілітацыяй і інш. Ці ёсць нейкія развязанні гэтых праблемаў, падчас слуханняў перад Каардынацыйнай радай 7 жніўня апавёў прадстаўнік Аб’яднанага пераходнага кабінету ў абароне і нацыянальнай бяспецы Вадзім Кабанчук.

У Варшаве 7 жніўня распачаліся слуханні Каардынацыйнай радай прадстаўнікоў Аб’яднанага пераходнага кабінету. Кіраўнікі прадстаўніцтваў АПК распавялі, якая праца была зробленая за год, што прамінуў ад апошніх справаздачаў. Слуханні працягнуцца два дні. У першы дзень выступілі выканальнік абавязкаў кіраўніка прадстаўніцтва ў справе нацыянальнага адраджэння Павел Баркоўскі, прадстаўнік у абароне і нацыянальнай бяспецы Вадзім Кабанчук і прадстаўнік у замежных справах і міжнароднай і еўрапейскай супрацы Уладзімір Астапенка.

Па справе знікнення былой спікеркі Каардынацыйнай рады раскрываюцца ўсё новыя факты. На гэты раз «Кіберпартызаны» даведаліся імя другога агента КДБ, які суправаджаў агента Аляксея Лабеева (каханка Анжалікі Мельнікавай) падчас сумеснай паездкі пары на Шры-Ланку. 

Курс Каардынацыйнае рады не зменіцца з выбарам новага спікера, перакананы спікер мінулага складу. Ён заклікае змяніць стратэгію на дасягненне прынамсі малых перамог і дзеяць больш незалежна ад «выканаўчай улады».