#ЖУРНАЛІСТЫ
Галоўная рэдактарка «Белсату» Аліна Коўшык 12 траўня выступіла на міжнароднай канферэнцыі «EuroDIG 2025 – абарона правоў чалавека шляхам забеспячэння балансу паміж рэгуляваннем і інавацыямі. Еўрапейскі дыялог у пытаннях кіравання інтэрнэтам». Канферэнцыя прайшла ў штаб-кватэры Рады Еўропы ў Страсбуры. Выступ Аліны Коўшык сустрэлі апладысментамі.
Сусветнае аб’яднанне медыяарганізацыяў «One Free Press Coalition» 1 траўня апублікавала штогадовы спіс «10 самых надзвычайных» (10 Most Urgent) з імёнамі зняволеных па ўсім свеце журналістаў, якія мусяць быць неадкладна вызваленыя. Сярод іх – беларускі журналіст Ігар Лосік, які за кратамі ўжо амаль пяць гадоў, заўважыла радыё «Свабода».
3 траўня адзначаецца Сусветны дзень свабоды друку. Да гэтай даты міжнародная праваабарончая арганізацыя «Рэпарцёры без межаў» апублікавала штогадовы Індэкс свабоды прэсы 2025. Яго галоўныя тэзісы пераказала Беларуская асацыяцыя журналістаў.
Дзвюм былым працаўніцам TUT.by – галоўнай рэдактарцы палітычна-эканамічнага блоку Вользе Лойцы і палітычнай карэспандэнтцы Алене Талкачовай – вынеслі прысуды ў межах спецыяльнага вядзення. Выракі набылі моц, а абедзве жанчыны ўнесеныя ў «Спіс асобаў, якія маюць дачыненне да экстрэмісцкай дзейнасці» МУС, звярнула ўвагу «Наша Ніва».
Тэлеканал «Настоящее время» паведаміў пра спыненне трансляцыі сваёй часткі «Настоящее Время. Беларусь». Усіх працаўнікоў медыя адправілі ў адміністрацыйны адпачынак.
Апошнімі тыднямі беларускія сілавікі ўзмацнілі ціск на журналістаў унутры краіны і на родных прадстаўнікоў медыяў, якія вымушана працуюць за мяжой. Беларуская асацыяцыя журналістаў (БАЖ) фіксуе новую хвалю такіх рэпрэсіяў.
Злоўжыванне сістэмай Інтэрпола, рэпрэсіі, сачэнне і адно забойства. Такія згадкі пра Беларусь у штогадовым дакладзе Платформы бяспекі журналістаў, створанай Радай Еўропы для садзейнічання абароне журналістыкі і бяспецы журналістаў. Тым часам агульная тэндэнцыя ў свеце – расце пагроза пашырэння дэзінфармацыі і ціску на СМІ. Даведаліся, з якімі выклікамі сутыкаюцца журналісты.
