#ВІЗЫ

У Міністэрстве замежных справаў Беларусі расказалі пра тэрміны набыцця моцы бязвізавага рэжыму з Лаосам. Адпаведнае міжурадавае пагадненне аб скасаванні візаў для ўладальнікаў нацыянальных пашпартоў было падпісанае 17 ліпеня.

Польскі МЗС мяркуе, што ўведзеная летась відэаверыфікацыя падчас рэгістрацыі на падачу дакументаў на візы палепшыла гэты працэс, а паслугі незаконных пасярэднікаў перасталі быць эфектыўнымі. Гэта вынікае з адказу дэпартаменту інфармацыі МЗС Польшчы са спасылкай на Консульскі дэпартамент на пытанні «Белсату» адносна цяжкасцяў, з якімі сутыкаюцца беларусы, спрабуючы атрымаць польскія візы. Асобна ведамства расказала пра сітуацыю з гуманітарнымі візамі. 

Запісу на падачу дакументаў на польскую візу ў Менску цяпер даводзіцца чакаць чатыры месяцы і даўжэй. І гэта нават праз «памагатараў» і за немалыя грошы. Польшча абяцала змагацца з пасярэднікамі і ботамі, якія рэзервуюць месцы на сайце візавага цэнтру, уводзіла дадатковыя патрабаванні, як відэаверыфікацыя, аднак робіцца толькі горш. Пагутарылі з беларусамі, якіх чаканне давяло ўжо амаль да адчаю, ды паглядзелі, што пішуць у «візавых» чатах. Спойлер: усё сапраўды кепска.

Беларускі актывіст і блогер Зміцер Грынкевіч, якога ў пачатку траўня не ўпусцілі ў Грузію пасля візарану, ужо больш за месяц перабывае ў Арменіі. Заставацца там беларус не хоча, бо не лічыць гэтай краіны цалкам бяспечнай і камфортнай. Мужчыну параілі звярнуцца ў Аб’яднаны пераходны кабінет па дапамогу ў візавым пытанні. Апавядаем, што з гэтага атрымалася.

Беларусы не могуць атрымаць візы ў Злучаныя Штаты на радзіме. Могуць у суседніх краінах, у якія патрэбная асобная віза, або ў далейшых краінах. Шэраг пастановаў новай адміністрацыі ЗША можа занепакоіць беларусаў, якія збіраюцца ў Штаты, але гэтыя пастановы пакуль не тычацца большай часткі нашых суайчыннікаў.

Неўзабаве распачнецца турыстычны сезон – час вакацыяў і адпачынкаў. Значная частка некалі папулярных сярод беларусаў кірункаў для паездак і пляжнага рэлаксу знаходзіцца ў Еўропе, куды трапіць усё цяжэй, бо каб аформіць шэнгенскую візу, часам трэба прайсці зусім няпросты квэст. Паглядзелі, якія краіны і на якіх умовах адкрываюць шэнгенскія візы беларусам у 2025 годзе.

Беларусы, якія планавалі ехаць на канцэрт Макса Каржа, што адбудзецца ў Варшаве 9 жніўня 2025 года, сутыкнуліся з цяжкасцямі ў атрыманні шэнгенскай візы. Некаторыя адмаўляюцца ад паездкі і перапрадаюць квіткі, піша «Наша Ніва».

Галоўная навінка – біяметрычныя звесткі заменяць пячатку ў пашпарце. Зменаў у механізмах атрымання візаў не прадбачыцца.

Польскае Міністэрства замежных справаў абмежавала масавую выдачу гуманітарных візаў беларусам: зараз іх змогуць атрымаць толькі тыя, каму рэальна пагражае страта здароўя ці жыцця ці палітычна матываваная крымінальная адказнасць, піша «Rzeczpospolita».

Консульскі дэпартамент МЗС Польшчы мае намер увесці дадатковую верыфікацыю ў выглядзе біяметрыі ўжо на этапе аўтарызацыі на сэрвісе для рэзервацыі датаў візіту для падачы дакументаў на візу, паведамляе «Rzeczpospolitа». Гэта павінна яшчэ больш ускладніць дзейнасць візавых пасярэднікаў.

Міністэрства замежных справаў Латвіі мяркуе ўвесці абмежаванні на прыём візавых заяваў і ўезд у Латвію для грамадзянаў Расеі і Беларусі. Пра гэта гаворыцца ў анатацыі да праекту прававога акту, падрыхтаванага ведамствам.