#ААН
Група незалежных экспертаў ААН 23 верасня асудзіла спробу выдварэння з Беларусі і наступнага знікнення палітзняволенага апазіцыйнага палітыка Мікалая Статкевіча.
Камітэт па правах чалавека ААН 19 жніўня паведаміў аб рэгістрацыі скаргі беларускага юрыста і праваабаронцы Рамана Кісляка супраць Грузіі, якая раней канчаткова адмовіла беларусу ў прытулку. Раман распавёў «Белсату», як доўга і якім чынам будзе ісці разгляд звароту і ці можа праваабаронца цяпер бяспечна знаходзіцца ў краіне.
3 ліпеня ў рамках 59-й сесіі Рады ААН па правах чалавека ў Жэневе сталы прадстаўнік Беларусі ўзяў удзел у абмеркаванні сітуацыі ва Украіне ў кантэксце дакладаў Генеральнага сакратара ААН і Вярхоўнага камісара ААН у пытаннях правоў чалавека. Пра гэта паведамляе БелТА.
Літва 19 траўня накіравала заяву ў Міжнародны суд ААН аб парушэнні Беларуссю абавязкаў у межах пратаколу супраць незаконнага ўвозу мігрантаў па сушы, моры і паветры ад 15 лістапада 2000 года, які дапаўняе Канвенцыю Арганізацыі Аб'яднаных Нацыяў супраць транснацыянальнай арганізаванай злачыннасці. Пра гэта паведаміў намеснік кіраўніцы Аб’яднанага пераходнага кабінету Павел Латушка.
Кааліцыя беларускіх НДА накіравала ў ААН даклад пра сітуацыю ў беларускай медыцыне. У справаздачы гаворыцца пра недахоп лекаў, цяжкасці з доступам да жыццёва неабходных прэпаратаў, ад’езд з краіны лекараў, жудасны стан медычнай этыкі і правоў пацыента і чалавека падчас псіхіятрычнага лячэння ды іншыя парушэнні, піша тэлеграм-канал «Белые Халаты».
Эксперты ААН у правах чалавека зрабілі заяву адносна становішча жанчын у беларускіх месцах пазбаўлення волі і назвалі ўмовы ўтрымання там жахлівымі. Пра гэта гаворыцца ў паведамленні прэс-службы ўпраўлення ААН у правах чалавека. «Белсат» даведаўся, што гэта азначае, у былой палітзняволенай, якая адбывала пакаранне ў папраўчай калоніі № 4 у Гомлі.