#МЯЖА

Нямецкая паліцыя праверыла аўтобус, што ехаў у Брусель. Сярод пасажыраў быў беларус, у якога знайшлі забаронены пярцовы балончык, паведамляе presseportal.

Міністр унутраных справаў Літвы Владыслаў Кандратовіч у інтэрв'ю «Delfi» распавёў аб праблемах, з якімі сутыкаецца ягоная краіна ў сувязі з дзеяннямі ўладаў Аляксандра Лукашэнкі. А таксама адказаў на пытанні пра становішча беларусаў у Літве.

У распараджэнні радыё «Свабода» апынуліся спадарожнікавыя здымкі пажару ў рэспубліканскім заказніку «Простыр» на беларуска-ўкраінскай мяжы. За тры дні згарэла амаль уся тэрыторыя прыродаахоўнай зоны.

Дзяржаўны памежны камітэт Беларусі ўнёс шэраг змяненняў у Інструкцыю аб парадку заключэння кантракту аб праходжанні вайсковай службы ў органах памежнай службы. Адпаведную пастанову апублікавалі 15 лютага на Нацыянальным прававым інтэрнэт-партале.

Праваабарончы цэнтр «Вясна» заяўляе пра новыя затрыманні і ўзмоцнены кантроль на мяжы Беларусі з Польшчаю і Літвою.

Міністэрства замежных справаў Латвіі мяркуе ўвесці абмежаванні на прыём візавых заяваў і ўезд у Латвію для грамадзянаў Расеі і Беларусі. Пра гэта гаворыцца ў анатацыі да праекту прававога акту, падрыхтаванага ведамствам.

У пятніцу 31 студзеня і суботу 1 лютага ў чатах, дзе беларусы абмяркоўваюць сітуацыю на мяжы, пачалі з’яўляцца паведамленні пра вельмі доўгае чаканне на пераходзе «Тэрэспаль – Берасце» у бок Беларусі. Пры гэтым вялізных чэргаў няма.

З 1 лютага 2025 года, каб выехаць з Беларусі праз прапускныя пункты ў Берасцейскай, Віцебскай і Гарадзенскай вобласцях, трэба заплаціць. Гэта прадугледжана адпаведнымі рашэннямі абласных Саветаў дэпутатаў, апублікаванымі на Нацыянальным прававым інтэрнэт-партале.

Дзяржаўны памежны камітэт паведамляе, што на беларуска-польскай мяжы практычна няма чэргаў. Каля пераходу «Берасце – Тэрэспаль» цяпер чарга з каля 60 аўтамабіляў і 3 аўтобусаў. Кіроўцы пішуць, што чаканне адносна чэргаў пад Новы год і пасля яго зусім невялікае. Аднак Аляксандр Лукашэнка зацвердзіў рашэнне аб ахове мяжы і згадаў вялізныя чэргі, якія ўскладняюць працу памежнікам. «Белсат» апавядае пра сітуацыю на мяжы 30 студзеня.

Кіраўнік Беларусі Аляксандр Лукашэнка 16 студзеня падчас наведвання Менскага гарадскога тэхнапарку, падобна, распачаў завочную дыскусію з міністрам унутраных справаў і адміністравання Польшчы Томашам Семонякам, які патрабаваў вызвалення зняволенага ў Беларусі журналіста і аднаго з лідараў польскай дыяспары Анджэя Пачобута.

Грамадзянін Беларусі, які мае від на жыхарства ў Літве, ездзіў у гэтай краіне з прарасейскай сімволікаю. У выніку ён атрымаў штраф і неўзабаве можа страціць таксама ВНЖ.

На мяжы Беларусі і краінаў Еўразвязу захоўваюцца вялізныя чэргі з аўтамабіляў. Асабліва складаная сітуацыя на беларуска-польскай мяжы (Берасце – Тэрэспаль): 14 студзеня афармлення там чакаюць 1935 легкавікоў.

Ад 1 лютага збор за пераход мяжы ў Гарадзенскай вобласці складзе адну базавую велічыню – 42 рублі. Гэтак жа – у Берасцейскай і Віцебскай вобласцях.