Вячаслаў Елісеенка

Парушае дзяржава, караюць – журналіста. Абсурдны вырак у абсурдным працэсе прагучаў у судзе Цэнтральнага раёну Менску. Андрусь Козел, якога збілі на выбарчым участку 18-га лютага, мае заплаціць 735 рублёў штрафу за непадпарадкаванне міліцыі. Для аператара «Белсату» гэта ўжо трэці штраф з пачатку года.

Беспрэцэдэнтны ціск з боку ўладаў – канфіскацыі, штрафы, содні, пагрозы і паклёп. Год, які амаль падышоў да завяршэння, стаўся для журналістаў Белсату багатым не толькі на тэмы, але і на пераслед за прафесійную дзейнасць. Найбольш пратаколаў і штрафаў атрымаў гамяльчук Кастусь Жукоўскі. 15 содняў на Акрэсціна правёў мянчук Алесь Баразенка.