Вітальд Вашчыкоўскі

Працягваем сачыць за візітам польскага міністра замежных справаў у Беларусь. Вітальд Вашчыкоўскі абвяшчае курс на дыялог і без якіх-кольвек папярэдніх умоваў. А працяглае замарожванне адносінаў паміж нашымі краінамі лічыць ненармальным. Хаця Вашчыкоўскі гаварыў і пра справы, на якія Польшча заплюшчваць вочы не можа і не будзе.

Візіт, якога не было больш за пяць гадоў. Польскі міністр замежных справаў Вітальд Вашчыкоўскі – з афіцыйнымі сустрэчамі ў Беларусі. Адразу сімвалічны прыезд у Курапаты – на месца масавых расстрэлаў ахвяраў сталінізму. Было пра супольную і трагічную гісторыю. Потым сустрэча з Уладзімірам Макеем, візавы цэнтр ды размовы з беларускай апазіцыяй. Заўтра – сустрэча з кіраўніком краіны.

«Пакуль Лукашэнка здымае скуру з беларусаў, Брусель здымае з Лукашэнкі санкцыі», – заявіў Уладзімір Някляеў, які далучыўся да акцыі прадпрымальнікаў. Менскі пратэст ІП і скасаванне санкцыяў супраць Лукашэнкі каментуе галоўная рэдактарка «Charter97.org» Наталля Радзіна.