варта

Прайшлі суды над абаронцамі Курапатаў: 6 актывістаў затрымалі працаўнікі сілавых структураў ля рэстарацыі «Паедзем паядзім», моцна збілі, абвінавацілі ў хуліганстве і непадпарадкаванні міліцыі.

Споўніўся роўна год Курапацкай варце ля рэстарану «Паедзем паядзім». У любое надвор’е, дождж, снег, холад ці спёку неабыякавыя людзі, абʼяднаныя адной мэтай, рабілі тое, што лічаць правільным. Галіна Абакунчык пабывала на месцы варты сёння і задала пытанні натхняльнікам і актыўным удзельнікам гэтае ініцыятывы.

Да рэстарацыі «Паедзем паядзім» на ўскрайку Менску актывісты з бел-чырвона-белымі сцягамі прыходзяць штодня, у любое надвор’е. Пра тое, што ўсяго за 50 метраў ад месца расстрэлаў і пахаванняў ахвяраў сталінскіх рэпрэсіяў адкрываецца забаўляльная ўстанова, стала вядома летась напрыканцы траўня. Ад гэтага часу варта ў Курапатах трывае ўжо год.

Судовы працэс супраць газеты «Новы час» распачаўся ў Савецкім судзе Менску. З пазовам да незалежнага выдання звярнуўся ўладальнік рэстарацыі «Паедзем, паядзім» Леанід Зайдес. Гаспадар скандальна вядомай установы патрабуе спагнаць з рэдакцыі газеты і журналіста Дзяніса Івашына восем тысяч беларускіх рублёў. У гэткую суму бізнесовец ацаніў свае маральныя пакуты з прычыны публікацыі расследавання пра будаўніцтва рэстарацыі каля Курапатаў.

У звычайна ціхіх Курапатах сёння было шумліва. Ва ўрочышчы ўлады распачалі ўсталёўваць дзяржаўны мемарыяльны знак. Працы выклікалі вялікую дыскусію ў грамадстве. Шмат хто выступае супраць помніка і чаму?

Ва ўрочышчы Курапаты ўсталявалі помнік ахвярам сталінскіх рэпрэсіяў. Гэтым разам ініцыятыва зыходзіла не ад неабыякавых беларусаў, а ад дзяржавы, грошы збірала Федэрацыя прафсаюзаў Беларусі. Такім чынам за 30 год ад дня адкрыцця праўды пра Курапаты, улады нарэшце вырашылі гэтае месца годна ўшанаваць.

Што яшчэ адбывалася сёння ў Курапатах – з першакрыніцы. Алесь Чахольскі, кіраўнік грамадскай дырэкцыі народнага мемарыялу Курапаты з намі на сувязі. Як сёння развіваліся падзеі ў Курапатах?

Сёння археолагі і спецтэхніка зноў прыбылі ў Курапаты, каб працягнуць працы для ўсталявання памятнага знаку забітым ва ўрочышчы. Прыйшлі і актывісты – у выніку адбылася гарачая дыскусія пра месца размяшчэння памятнага знаку, а таксама пра неабходнасць упарадкаваць тэрыторыю мемарыялу.

За 4 месяцы пікетавання рэстарацыі «Педзем паядзім» ля мемарыяльнага ўрочышча ў Курапатах, міліцыя склала 150 пратаколаў на актывістаў, якія здзяйсняюць байкот. Агульная сума штрафаў перавысіла 20 тысячаў рублёў, пікетоўцы правялі за кратамі 115 содняў.

У Менскі райсуд Паўла Севярынца прывезлі ў другой палове дня. Актывіста абвінавацілі ў непадпарадкаванні супрацоўнікам міліцыі ды пакаралі штрафам на 1225 рублёў. Перад пачаткам паседжання палітык казаў, што ўжо рыхтаваўся да чарговых содняў. За чатыры месяцы пратэстаў у Курапатах за кратамі Севярынец правеў больш за месяц. Ён жа распавёў пра ўчорашні інцыдэнт.