Сяргей Лаўрыненка

Што чакае ІТ у бліжэйшы час, у «Размове» Святланы Калінкінай з ІТ-менеджарам Сяргеем Лаўраненкам.

Дзве падзеі, якія яшчэ чакаюць нас сёлета, але даўно абвешчаныя ўладамі не менш як рэвалюцыйнымі. Пры канцы сакавіка ў сілу ўступіць Дэкрэт № 8 «Аб развіцці лічбавай тэхналогіі». І да канца года, апярэджваючы планавыя тэрміны, можа быць запушчаная атамная электрастанцыя пад Астраўцом. Сёння ж улады агучылі не менш рэвалюцыйную ідэю ў аб’яднанні гэтых падзеяў.

Лічбавыя эксперыменты працягваюцца. У Беларусі запускаюць уласную лакальную крыптавалюту. Стваральнікі «Талеру» – а менавіта гэтак яны назвалі беларускую сістэму электронных плацяжоў, заснаванай на тэхналогіі блокчэйн – кажуць, што ў гэтым яны піянеры на постсавецкай прасторы. Пад час прэзентацыі ў Менску, яны дадалі, што капіталізацыя іх койна ўжо складае больш за Br 1 млн.

Сяргей Лаўрыненка, адзін са стваральнікаў Талера, распавядае, чым ён адрозніваецца ад фінансавых пірамідаў, іншых крыптавалютаў і звычайных грошай.