Сяргей Курчанка

Ва Украіне працягваецца эпапея з Міхэілам Саакашвілі. Напярэдадні яго вызвалілі ў зале суда пад паруку дзесяці дэпутатаў Вярхоўнай Рады Украіны, у тым ліку Юліі Цімашэнкі. У сваю чаргу жонка палітыка, Сандра Руфалс, якая надалей жыве ў Грузіі, заклікала міжнародную супольнасць паўплываць на ўкраінскія ўлады ў пытанні стаўлення да Саакашвілі. Ці мае былы прэзідэнт Грузіі і былы кіраўнік Адэскай вобласці палітычныя перспектывы?

Тысячы людзей пад будынкам Вярхоўнай Рады Украіны патрабуюць адстаўкі Пятра Парашэнкі. Да пратэстаў прывяла спроба затрымаць былога прэзідэнта Грузіі Міхэіла Саакашвілі. Лідара «Руху новых сілаў» вінавацяць у спрыянні злачынным арганізацыям – нібыта Саакашвілі фінансаваў антыўрадавыя мітынгі ў Кіеве на сродкі, атрыманыя ад асяродку былога прэзідэнта краіны Віктара Януковіча.